വൈദ്യുതി ബോര്‍ഡ് ജീവനക്കാര്‍ക്ക് ഡി.എ അനുവദിച്ചു

തിരുവനന്തപുരം: വൈദ്യുതി ബോര്‍ഡ് ജീവനക്കാര്‍ക്ക് 14 ശതമാനം ഡി.എ നല്‍കാന്‍ തീരുമാനമായി. ഡി.എ നല്‍കുന്നതിന് റഗുലേറ്ററി കമീഷന്റെ അനുമതി തേടാന്‍ നേരത്തെ വൈദ്യുതി ബോര്‍ഡ് തീരുമാനിച്ചിരുന്നു. എന്നാല്‍ ഇക്കാര്യത്തിന് കമീഷന്റെ അനുമതി ആവശ്യമില്ലെന്ന് കാണിച്ച് റഗുലേറ്ററി കമീഷന്‍ ബോര്‍ഡിന് കത്ത് നല്‍കി. ഇതേത്തുടര്‍ന്നാണ് ബോര്‍ഡ് അടിയന്തരമായി ഡി.എ  അനുവദിക്കാന്‍ തീരുമാനിച്ചത്.

ഡി.എ അനുവദിക്കാന്‍ കമീഷന്റെ തീരുമാനത്തിന് വിട്ടതിനെ തുടര്‍ന്ന് ജീവനക്കാര്‍ കടുത്ത പ്രതിഷേധത്തിലായിരുന്നു. കമീഷനെതിരെ ജീവനക്കാര്‍ പ്രതിഷേധവുമുയര്‍ത്തി. ഡി.എ അനുവദിക്കാന്‍ കമീഷന്റെ അനുമതി ആവശ്യമില്ലെന്നും മുന്‍വര്‍ഷത്തെക്കാള്‍ കൂടുതല്‍ തുക ഇക്കൊല്ലം അനുവദിച്ചിട്ടുണ്ടെന്നും കമീഷന്‍ വാര്‍ത്താക്കുറിപ്പ് ഇറക്കിയിരുന്നു.