ഓണവിപണി കൈയടക്കാന് മികവുറ്റ പദ്ധതികളുമായി സപ്ലൈകോ
Thursday, July 29, 2010
ഈ ഓണക്കാലത്ത് വില്പന കൂടുതല് ആകര്ഷകമാക്കാന് സമ്മാനപദ്ധതി ആവിഷ്കരിച്ചിട്ടുണ്ട്. സപ്ലൈകോ വില്പനശാലകളില് നിന്നും ഒരു ബില്ലില് 900 രൂപക്ക് മേല് സാധനങ്ങള് വാങ്ങുന്ന ഉപഭോക്താവിന് ഒരു കിലേഗ്രാം പഞ്ചസാരയോ അര ലിറ്റര് വെളിച്ചെണ്ണയോ 250 ഗ്രാം ചായപ്പൊടിയോ സമ്മാനമായി ലഭിക്കും. പ്രത്യേക ഓണച്ചന്തകളിലെയും ഫെയറുകളിലെയും നോണ്മാവേലി /ശബരി കൗണ്ടറുകളില് നിന്നും 500 രൂപക്ക്മേല് സാധനങ്ങള് ഒരു ബില്ലില് വാങ്ങുന്നവര്ക്കും ഈ സമ്മാനം ലഭിക്കുന്നതാണ്. ഇതിനു പുറമെ പൊതുവിപണിയില് 625 രൂപ വില വരുന്ന അവശ്യസാധനങ്ങളടങ്ങിയ സ്പെഷല് ഓണം കിറ്റും കുറഞ്ഞ വിലയില് വിതരണം ചെയ്യും. അരി, ഉഴുന്ന്, തുവര, പയര്, മുളക്, കറിപ്പൊടികള് തുടങ്ങിയ സാധനങ്ങളോടൊപ്പം പായസക്കൂട്ടും അടങ്ങിയതാണ് ഈ സ്പെഷല് കിറ്റ്. 450 രൂപയാണ് ഈ കിറ്റിന്റെ വില. എല്ലാ ഓണം വില്പനശാലകളില്നിന്നും ആഗസ്റ്റ് അഞ്ച് മുതല് ഉപഭോക്താക്കള്ക്ക് മറ്റു നിബന്ധനകളില്ലാതെ ഇത് ലഭിക്കുന്നതാണ്. ഓരോ സ്പെഷല് ഓണം കിറ്റിനുമൊപ്പം ഒരു കിലോഗ്രാം പഞ്ചസാരയോ അരലിറ്റര് വെളിച്ചെണ്ണയോ 250 ഗ്രാം ചായപ്പൊടിയോ സമ്മാനമായി ലഭിക്കുന്നതാണ്.  |
 പുതിയ വാര്ത്തകള് |
Email this Story