ഇക്കഴിഞ്ഞ ദിവസം ഉണ്ടായ ഒരനുഭവമാണ് ഇങ്ങനെ പറയാന് കാരണം. കെ.എസ്.ആര്.ടി.സി ബസില് 11 രൂപയുടെ ടിക്കറ്റെടുത്തു. 51 രൂപകൊടുത്തു. ബാക്കിതരാമെന്ന് പോലും പറയാതെ കണ്ടക്ടര് അടുത്ത യാത്രക്കാരന്റെ നേരെ നീങ്ങി. തിരക്കായത് കൊണ്ടാവുമെന്ന് കരുതി. അയാള്ക്കും ബാക്കികൊടുത്തില്ല. ചെറിയൊരു ഉറക്കത്തിന് ശേഷം ഇറങ്ങേണ്ട സ്ഥലത്ത് ഇറങ്ങി. മണിക്കൂറുകള് കഴിഞ്ഞാണ് ബാക്കി 40 രൂപ വാങ്ങിയില്ലെന്നോര്ത്തത്. താമരശ്ശേരി സ്റ്റേഷന് മാസ്റ്ററുടെ ഫോണ് തേടിപ്പിടിച്ചു വിളിച്ചന്വേഷിച്ചപ്പോള് അയാളുടെ ഡ്യൂട്ടി കഴിഞ്ഞെന്നും കാശ് ഓഫിസിലേല്പിച്ചാല് തിരിച്ചുതരാമെന്നും മറുപടി ലഭിച്ചു. കണ്ടക്ടറുടെ പേരും ഫോണ് നമ്പറും ആവശ്യപ്പെട്ടെങ്കിലും തന്നില്ല. കണ്ടക്ടര്ക്ക് നെയിം ബോര്ഡുണ്ടായിരുന്നെങ്കില് എപ്പോഴെങ്കിലും കാണുമ്പോള് ചോദിക്കാമായിരുന്നു. കെ.എസ്.ആര്.ടി.സിയുടെ കാര്യത്തിലെങ്കിലും ഇതത്യാവശ്യമാണ്.
അബ്ദുറഹിമാന്, കൊടിയത്തൂര്, കോഴിക്കോട്
നിങ്ങളുടെ അഭിപ്രായങ്ങള്