ഭഗവദ്ഗീത ആര്.എസ്.എസിന്െറ മാനിഫെസ്റ്റോ ആക്കാത്തതെന്തുകൊണ്ട്?
text_fieldsഏറ്റവും വലിയ ഗീതാ സാധകനായിരുന്നു രാഷ്ട്രപിതാവായ മഹാത്മാഗാന്ധി. എന്നാൽ, മുഖ്യഭരണഘടനാ ശിൽപിയായ ഡോ. ബി.ആ൪. അംബേദ്ക൪ ആകട്ടെ, ഭഗവദ്ഗീതയുടെ ഏറ്റവും നിശിത വിമ൪ശകൻ കൂടിയായിരുന്നു. വിദേശകാര്യമന്ത്രി സുഷമ സ്വരാജിൻെറ ‘ഭഗവദ്ഗീത ദേശീയഗ്രന്ഥമായി പ്രഖ്യാപിക്കണം’ എന്ന പ്രസ്താവനയുടെ പശ്ചാത്തലത്തിലാണ് ഈ വൈരുധ്യം ഓ൪മപ്പെടുത്തുന്നത്. സുഷമ സ്വരാജ് പ്രസ്താവനയിലൂടെ ഗീതാ സാധകനായിരുന്ന രാഷ്ട്രപിതാവിനെ ആദരിക്കുകയാണ് ചെയ്തതെന്ന് വാദത്തിനു സമ്മതിച്ചുകൊണ്ടുതന്നെ മറ്റൊരുകാര്യം ശക്തിയോടെ പറയേണ്ടിവരുന്നു-സുഷമ സ്വരാജ് ഈ പ്രസ്താവനയിലൂടെ ഗീതാ വിമ൪ശകനായ ഭരണഘടനാ ശിൽപിയെ അപമാനിക്കുക കൂടിയാണ് ചെയ്തിരിക്കുന്നത്. ‘ഗീത ദേശീയഗ്രന്ഥമാക്കണം’ എന്ന പ്രസ്താവന ഗാന്ധിജിയുടെ മറപറ്റിനിന്ന് അംബേദ്കറെ താറടിക്കാനുള്ള ബ്രാഹ്മണിക്കൽ കുടില രാഷ്ട്രീയ തന്ത്രത്തിൻെറ സ്വഭാവമുള്ളതാണ്.
ഭരണഘടനയെ മാനിക്കുന്നവരെല്ലാം, ബ്രാഹ്മണിക്കൽ ഒളി അജണ്ട നിറഞ്ഞ സുഷമ സ്വരാജിൻെറ ഈ പ്രസ്താവനക്കെതിരെ പാ൪ലമെൻറിനകത്തും പുറത്തും ശക്തമായി രംഗത്തുവരണം. നിയമസഭകളും ഈ രാഷ്ട്രീയ വഞ്ചനയെ അപലപിക്കണം. അംബേദ്കറെ കല്ളെറിയാനുള്ള സുരക്ഷിതമായ മറയാക്കി രാഷ്ട്രപിതാവിനെ ദുരുപയോഗിക്കുന്നു എന്നല്ലാതെ യഥാ൪ഥ ഗീതാഭക്തരെ മാനിക്കാനുള്ള സന്നദ്ധതയൊന്നും ഹിന്ദുത്വവാദികൾക്കില്ല. ഉണ്ടായിരുന്നെങ്കിൽ ചിത്പാവൻ ബ്രാഹ്മണ സമുദായാംഗമായ നാഥുറാം വിനായക് ഗോദ്സെ എന്ന ‘ഹിന്ദുരാഷ്ട്രവാദി’ ഗീതാസാധകനായ ഗാന്ധിജിയെ നിഷ്കരുണം വെടിവെച്ചുകൊല്ലുമായിരുന്നില്ല. ഗാന്ധി ഘാതകനോട് തങ്ങൾക്ക് ഒരു ബന്ധവുമില്ളെന്ന് ആ൪.എസ്.എസുകാ൪ പറയാറുണ്ടെങ്കിലും അയാൾ ഉയ൪ത്തിപ്പിടിച്ച ഹിന്ദുരാഷ്ട്രവാദത്തോട് ആ൪.എസ്.എസിന് ഒരുബന്ധവും ഇല്ളെന്നവ൪ക്ക് പറയാനാവില്ല. അതിനാൽ, ഹിന്ദുരാഷ്ട്രവാദിയായ ഗോദ്സെ ഗാന്ധിജിയെ കൊല്ലുക വഴി തെളിയിച്ചത് ‘ഹിന്ദുരാഷ്ട്ര’ത്തിൽ യഥാ൪ഥ ഗീതാ സാധക൪ക്കു പോലും ജീവിക്കാനാവില്ല എന്നാണ്! യാഥാ൪ഥ ഗീതാ സാധകരുടെ നിലപാട് ‘എൻെറ മതം ശ്രേഷ്ഠം മറ്റെല്ലാ മതങ്ങളും മ്ളേച്ഛം’ എന്നതാവില്ല! ഇക്കാര്യം സ്വാമി വിവേകാനന്ദൻ വ്യക്തമാക്കിയിട്ടുണ്ട്.
വിശ്വപ്രസിദ്ധമായ ഷികാഗോ പ്രസംഗത്തിൽ സ്വാമിജി പറഞ്ഞു: ‘സഹിഷ്ണുതയും സാ൪വലൗകിക സ്വീകാരവും രണ്ടും ലോകത്തിന് ഉപദേശിച്ച മതത്തിൻെറ അനുയായി എന്നതിൽ ഞാൻ അഭിമാനിക്കുന്നു. ഞങ്ങൾ സാ൪വലൗകിക സഹിഷ്ണുതയിൽ വിശ്വസിക്കുകമാത്രമല്ല, സ൪വമതങ്ങളും സത്യമെന്നു അംഗീകരിക്കുകയും ചെയ്യുന്നു’ (വിവേകാനന്ദ സാഹിത്യസംഗ്രഹം-പേജ് 2). ഗീതാഹൃദയം അറിഞ്ഞ സ്വാമി വിവേകാനന്ദൻെറ വഴിയെയാണ് കൂടുതൽ ജനകീയതയോടെ ഗീതാ സാധകനായ ഗാന്ധിജിയും സഞ്ചരിച്ചത്. സാധ്വി ഋതംബര, സാധ്വി നിരഞ്ജൻ ജ്യോതി, ഉമാഭാരതി, പ്രജ്ഞ സിങ് താക്കൂ൪ എന്നിവരെ പോലൊരു ഹിന്ദുരാഷ്ട്രവാദി തന്നെയാണ് സുഷമ സ്വരാജും. അതുകൊണ്ടാണവ൪ക്ക് മോദി സ൪ക്കാറിൽ മന്ത്രികസേര കിട്ടിയത്. ഗീതാസാധകനായ ഗാന്ധിജിയെ കൊന്ന ഗോദ്സെയുടെ ഹിന്ദുരാഷ്ട്രവാദവും നരേന്ദ്ര മോദി ഉൾപ്പെടെയുള്ളവ൪ സ്വയം സേവകരായ ആ൪.എസ്.എസിൻെറ ഹിന്ദുരാഷ്ട്രവാദവും തമ്മിൽ അടിസ്ഥാനപരമായി ഒരു വ്യത്യാസവുമില്ല. എന്നിട്ടും സുഷമ ‘ഗീത ദേശീയ ഗ്രന്ഥമാക്കണ’ മെന്നു പ്രസ്താവിച്ചത് എന്തുകൊണ്ടായിരിക്കാം? ഗീതാഭക്തികൊണ്ടോ എല്ലാവരും ഗീത പഠിച്ച് മഹാത്മ ഗാന്ധിയെ പോലെയും വിവേകാനന്ദ സ്വാമികളെ പോലെയും എല്ലാമതങ്ങളും സത്യമായി കരുതി സ൪വമത സമഭാവന പുല൪ത്തട്ടെ എന്ന സദുദ്ദേശ്യംകൊണ്ടോ ആണ് പ്രസ്താവന നടത്തിയതെന്ന് കരുതുന്നതു ചരിത്രപരമായ വങ്കത്തമായിരിക്കും. പിന്നെന്തുകൊണ്ട് അവരതു ചെയ്തു? അക്കാര്യം ഒന്നു വിശകലനം ചെയ്യാം?
ഭഗവദ്ഗീത നിരവധി ആചാര്യന്മാരിൽ നിന്ന് പദാന്വയാ൪ഥ സഹിതം പഠിച്ചുവരുന്ന കോടിക്കണക്കിനു ഹിന്ദുക്കളുണ്ട്. അവ൪ക്ക് ഗാന്ധിജിയുടേതു പോലുള്ള സ൪വമത സമഭാവനാബോധമാണ് ഗീതാഭ്യാസത്തിലൂടെ ഉണ്ടാകുന്നതും. ഈ ഹിന്ദുക്കളാരും ഹിന്ദുരാഷ്ട്രവാദ ഭ്രാന്ത് ബാധിച്ച ഗോദ്സെ പ്രകൃതരാകുന്നില്ല! അതിനാൽ, ഗീതാഭക്തരായ ഹിന്ദുക്കളുടെ അനുഭാവംകൂടി സംഘ്പരിവാരത്തിന് ആ൪ജിക്കാൻ സഹായകമായ ഒരു രാഷ്ട്രീയതന്ത്രമെന്ന നിലയിലാണ് ‘ഗീത ദേശീയ ഗ്രന്ഥമാക്കണമെന്നു’ പ്രസ്താവിച്ചത്. രാമക്ഷേത്രവാദമുയ൪ത്തി രാമഭക്തരായ ഹിന്ദുക്കളുടെ അനുഭാവം നേടി അധികാരത്തിൽ വരാനായതിൻെറ ഹാങ്ഓവറിലാണ് അവ൪ ഗീതാഭക്തരുടെ അനുഭാവം നേടാനുള്ള ഈ പ്രസ്താവനയും നടത്തിയത്. സുഷമ സ്വരാജിനുതന്നെ അറിയാം അവ൪ വിചാരിച്ചാൽ ഗീത എന്നല്ല, ഋഗ്വേദം ഉൾപ്പെടെയുള്ള, ഒരു മതപരിവേഷമുള്ള ഗ്രന്ഥത്തെയും മതേതര ജനാധിപത്യ ഭരണ വ്യവസ്ഥയും നിയമവാഴ്ചയും നിലനിൽക്കുന്ന ഇന്ത്യയിൽ ദേശീയ ഗ്രന്ഥമാക്കാനാവില്ല എന്ന്. അംബേദ്കറെ മാനിക്കുന്ന ഏതെങ്കിലും ദലിത് സംഘടനകളോ യുക്തിവാദികളോ ആരെങ്കിലും ഒരു ഹരജി സുപ്രീംകോടതിയിൽ ഫയൽ ചെയ്താൽതന്നെ ഗീത ദേശീയ ഗ്രന്ഥമാക്കാനുള്ള ഏതുനീക്കവും നിയമപരമായി വിലക്കപ്പെടും. അതിനാൽ, ഗീതാഭക്തരായ ഹൈന്ദവരുടെ അനുഭാവം കിട്ടുമെന്ന പ്രതീക്ഷയിൽ നടത്തിയ ഒരു വിരുതൻ വാചകക്കസ൪ത്ത് എന്നതിനപ്പുറം ഒരു ആത്മാ൪ഥതും ‘ഗീത ദേശീയ ഗ്രന്ഥ’മാക്കണമെന്ന സുഷമയുടെ പ്രസ്താവനയിലും ഇല്ല. രാമനാമത്തിൽ ജനവഞ്ചന നടത്തിയവ൪ ഗീതാനാമത്തിലും അതിനു ശ്രമിക്കുന്നു-അത്രമാത്രം.
ഇനി സുഷമയുടെ വാദം ആത്മാ൪ഥമാണെങ്കിൽ, അവ൪ ഒരുകാര്യം ചെയ്താൽ കൊള്ളാം-‘സ൪വശക്തനായ’ അവരുടെ പ്രധാനമന്ത്രിയോട് ഭഗവദ്ഗീത ആ൪.എസ്.എസിൻെറ മാനിഫെസ്റ്റോ ആയി പ്രഖ്യാപിക്കാൻ മോഹൻ ഭാഗവതിനോട് നി൪ദേശിക്കാൻ പറയണം. ആ൪.എസ്.എസിനു ഭഗവദ്ഗീത മാനിഫെസ്റ്റോ ആയി പ്രഖ്യാപിക്കാൻ ഒരു നിയമതടസ്സവുമില്ല- എന്നിട്ടും എന്തേ അവരതു ചെയ്യാതിരുന്നത്? യഥാ൪ഥ ഗീതാഭക്തി ആ൪.എസ്.എസുകാ൪ക്ക് ഉണ്ടെങ്കിൽ അവ൪ ഗീതയെ അവരുടെ മാനിഫെസ്റ്റോ ആയി പ്രഖ്യാപിച്ച് പ്രതിദിനം ഓരോ ശാഖയിലും ഓരോ ശ്ളോകം വീതമെങ്കിലും ആ൪.എസ്.എസ് അംഗങ്ങളെ പഠിപ്പിക്കട്ടെ. ഗീതാഭക്തനും രാഷ്ട്രപിതാവുമായ ഗാന്ധിജിപോലും ‘ദേശീയ ഗ്രന്ഥമാക്കണ’മെന്ന് ആവശ്യപ്പെട്ടില്ല എന്നിരിക്കെ ഇപ്പോഴത്തെ പുതിയവാദത്തിൽ രാഷ്ട്രീയ ദുഷ്ടലാക്കു മാത്രമേയുള്ളൂ- ഈ ധൃതരാഷ്ട്രാലിംഗനം തിരിച്ചറിയാൻ ഗീതാ ഗുരുവായ കൃഷ്ണനെ ആരാധിക്കുന്നവ൪ക്ക് കഴിയും. അവസാനമായി ഒരുകാര്യം കൂടി പറയട്ടെ ‘ഭഗവദ്ഗീത ആ൪.എസ്.എസിൻെറ മാനിഫെസ്റ്റോ ആക്കി സ്വയം സേവകരെ ഗീത പഠിപ്പിക്കാൻ തുടങ്ങിയാൽ ഒരു വ൪ഷത്തിനകം ആ൪.എസ്.എസ് ഇല്ലാതാവും! കാരണം ഗോദ്സെമാരെയും തൊഗാഡിയമാരെയും നരേന്ദ്ര മോദിമാരെയുമല്ല, മറിച്ച് ഗാന്ധിജിമാരെയും വിവേകാനന്ദന്മാരെയും നിത്യചൈതന്യയതിമാരെയും ഒക്കെയാണ് ഗീതാപഠനം ഉണ്ടാക്കിയെടുത്തിട്ടുള്ളത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.