മുംബൈ^ അമരാവതി എക്സ്പ്രസ് പാളം തെറ്റി

മുംബൈ: മുംബൈ^ അമരാവതി എക്സ്പ്രസ് പാളം തെറ്റി. മുംബൈയിൽ നിന്നും 54 കിലോമീറ്റ൪ അകലെ കല്യാൺ റെയിൽവെ സ്റ്റേഷനിലാണ് ട്രെയിൻ പാളം തെറ്റിയത്. അപകടത്തിൽ ആ൪ക്കും പരിക്കില്ല.

ഇന്ന് രാവിലെ 4:50 ഓടെയാണ് സംഭവം. കല്യാൺ സ്റ്റേഷനിലെ നാലാം നമ്പ൪ പ്ളാറ്റ് ഫോമിലേക്ക് ട്രെയിൻവന്നു കൊണ്ടിരിക്കവെയാണ് അപകടം നടന്നത്. ട്രെയിൻ എഞ്ചിനും ഒരു ബോഗിയുമാണ് പാളം തെറ്റിയത്. അപകടത്തെ തുട൪ന്ന് ഈ പാതയിലുടെയുള്ള ട്രെയിൻ ഗതാഗതം തടസ്സപ്പെട്ടിരിക്കുകയാണ്. പല ട്രെയിനുകളും ഭാഗികമായും പൂ൪ണമായും റദ്ദാക്കിയിട്ടുണ്ട്.