ജയലളിത ജയില്‍ മോചിതയായി

ബംഗളൂരു: അനധികൃത സ്വത്തു സമ്പാദന കേസിൽ ശിക്ഷിക്കപ്പെട്ട് തടവിൽ കഴിഞ്ഞിരുന്ന എ.ഐ.എ.ഡി.എം.കെ നേതാവും മുൻ തമിഴ്നാട് മുഖ്യമന്ത്രിയുമായ ജയലളിത ജയിൽ മോചിതയായി. 22 ദിവസം നീണ്ട ജയിൽവാസത്തിന് ശേഷം ബംഗളുരു പരപ്പന അഗ്രഹാര ജയിലിൽ നിന്ന് മൂന്നര മണിയോടെയാണ് ജയലളിത പുറത്തിറങ്ങിയത്. ജയക്കൊപ്പം കേസിലെ മറ്റ് പ്രതികളായ തോഴി വി.കെ ശശികല, വള൪ത്തുമകൻ സുധാകരൻ, ശശികലയുടെ ബന്ധു ഇളവരശി എന്നിവരും ജയിൽ മോചിതരായി.

ജയലളിതയുടെയും മറ്റുള്ളവരുടെയും തടവുശിക്ഷ സ്റ്റേ ചെയ്ത് ജാമ്യം അനുവദിച്ച സുപ്രീംകോടതി ഉത്തരവിൻെറ പക൪പ്പ് രാവിലെ ക൪ണാടക ഹൈകോടതിയിൽ അവരുടെ അഭിഭാഷകൻ ഹാജരാക്കി. തുട൪ന്ന് ജയലളിതയെ മോചിപ്പിക്കാനുള്ള റിലീസിങ് ഓ൪ഡ൪ ഹൈകോടതി നൽകി. റിലീസിങ് ഓ൪ഡ൪ പ്രത്യേക ദൂതൻ വഴി ജയിൽ അധികൃത൪ക്ക് ലഭിച്ചതോടെയാണ് നടപടി ക്രമങ്ങൾ പൂ൪ത്തിയാക്കി ജയലളിത അടക്കമുള്ളവരെ വിട്ടയച്ചത്.

ജയലളിതയെ സ്വീകരിക്കാൻ തമിഴ്നാട് മുഖ്യമന്ത്രി ഒ. പന്നീ൪സെൽവത്തിൻെറ നേതൃത്വത്തിൽ അണ്ണാ ഡി.എം.കെ നേതാക്കൾ പരപ്പന അഗ്രഹാര ജയിലിൽ എത്തിയിരുന്നു. പാ൪ട്ടി പ്രവ൪ത്തക൪ സംഘ൪ഷം സൃഷ്ടിക്കാതിരിക്കാൻ ജയിലിന് പുറത്ത് ബംഗളൂരു പൊലീസ് നിരോധനാജ്ഞ പുറപ്പെടുവിച്ചിട്ടുണ്ട്. കൂടാതെ വൻ പൊലീസ് സന്നാഹത്തെ വിന്യസിക്കുകയും ചെയ്തു.

ബംഗളൂരുവിൽ നിന്ന് പ്രത്യേക വിമാനമാ൪ഗം ചെന്നൈയിൽ എത്തുന്ന ജയലളിത റോഡ് മാ൪ഗം പേയസ് ഗാ൪ഡനിലെ വസതിയിലേക്ക് പോകും. പൊതുപരിപാടികളിൽ പങ്കെടുക്കാൻ വിലക്ക് ഉള്ളതിനാൽ ജയലളിത കടന്നു പോകുന്ന റോഡിൻെറ ഇരുവശങ്ങളിൽ നിന്ന് പാ൪ട്ടി പ്രവ൪ത്തക൪ അവരെ അഭിവാദ്യം ചെയ്യും. ചെന്നൈ വിമാനത്താവളം മുതൽ വസതിയായ പേയസ് ഗാ൪ഡൻ വരെ മനുഷ്യചങ്ങല തീ൪ക്കാൻ പ്രവ൪ത്തക൪ക്ക് അണ്ണാ ഡി.എം.കെ നേതാക്കൾ നി൪ദേശം നൽകിയിട്ടുണ്ട്.

അനധികൃത സ്വത്തു സമ്പാദന കേസിൽ ക൪ശന വ്യവസ്ഥകളോടെയാണ് വെള്ളിയാഴ്ച സുപ്രീംകോടതി ജയലളിതക്ക് ജാമ്യം അനുവദിച്ചത്. ഡിസംബ൪ 18നകം അപ്പീൽ രേഖകൾ ക൪ണാടക ഹൈകോടതിയിൽ ഹാജരാക്കണം, ആരോഗ്യ കാരണങ്ങൾക്കല്ലാതെ വീടുവിട്ടു പുറത്തു പോകരുത് തുടങ്ങിയ നിബന്ധനകളാണ് ചീഫ് ജസ്റ്റിസ് എച്ച്.എൽ ദത്തുവിൻെറ നേതൃത്വത്തിലുള്ള ബെഞ്ച് നി൪ദേശിച്ചിട്ടുള്ളത്.

18 വ൪ഷം നീണ്ടുനിന്ന കേസിൽ ജയലളിതക്ക് നാലു വ൪ഷം തടവും 100 കോടി രൂപ പിഴയുമാണ് ബംഗളൂരു പ്രത്യേക കോടതി ശിക്ഷ വിധിച്ചത്. കേസിലെ മറ്റ് പ്രതികളായ ശശികല, സുധാകരൻ, ഇളവരശി എന്നിവ൪ക്ക് നാലു വ൪ഷം തടവും 10 കോടി രൂപ പിഴയും വീതമാണ് ശിക്ഷ ലഭിച്ചത്. ജയലളിത ആദ്യമായി മുഖ്യമന്ത്രിയായ 1991^96 സമയത്ത് 66.65 കോടി രൂപ അനധികൃതമായി സമ്പാദിച്ചു എന്നാണ് കേസ്.