ജാതിസംഘടനകള് നവോത്ഥാനത്തിന്െറ നല്ല പാരമ്പര്യം നഷ്ടപ്പെടുത്തി –പിണറായി
text_fieldsതൃശൂ൪: നവോത്ഥാനകാലത്ത് രൂപംകൊണ്ട ജാതി സംഘടനകളുടെ പിന്തുട൪ച്ച അവകാശപ്പെടുന്നവ൪ ഇപ്പോൾ സത്പാരമ്പര്യം ഉപേക്ഷിച്ച് വിരുദ്ധദിശയിൽ നീങ്ങുകയാണെന്ന് സി.പി.എം സംസ്ഥാന സെക്രട്ടറി പിണറായി വിജയൻ. ഇവ൪ ജാതീയമായി മാത്രമാണ് ചിന്തിക്കുന്നതും പ്രവ൪ത്തിക്കുന്നതുമെന്ന് അദ്ദേഹം പറഞ്ഞു. തൃശൂരിൽ പട്ടികജാതി ക്ഷേമ സമിതിയുടെ സംസ്ഥാന സമ്മേളനത്തോടനുബന്ധിച്ച് നടന്ന പൊതുസമ്മേളനത്തിൽ സംസാരിക്കുകയായിരുന്നു പിണറായി.
ജാതീയതക്കു വേണ്ടിയല്ല സാമൂഹിക മുന്നേറ്റത്തിന് വേണ്ടിയാണ് മുൻഗാമികൾ ആ സംഘടനകൾക്ക് രൂപംനൽകിയതെന്ന് എൻ.എസ്.എസിനെയും എസ്.എൻ.ഡി.പിയെയും ഉദ്ദേശിച്ച് പിണറായി പറഞ്ഞു. നവോത്ഥാന നായകരും പുരോഗമന പ്രസ്ഥാനങ്ങളും ഉഴുതുമറിച്ച് അവസാനിപ്പിച്ച സാമൂഹിക ജീ൪ണതകൾ ശക്തിയോടെ തിരിച്ചു കൊണ്ടുവരാനുള്ള ശ്രമം നടക്കുന്നുണ്ട്. ചാതു൪വ൪ണ്യം നിലനിൽക്കണമെന്ന് കരുതുന്നവരാണ് രാജ്യം ഭരിക്കുന്നത്. പട്ടികജാതി വിഭാഗങ്ങളുടെ ആനുകൂല്യങ്ങൾ നിഷേധിച്ചത് കോൺഗ്രസാണ്. 57ലെ സ൪ക്കാ൪ കൊണ്ടുവന്ന ഭൂപരിഷ്കരണ നിയമം അട്ടിമറിച്ചത് ഇതിന് ഉദാഹരണമാണ്. പട്ടികജാതി വിഭാഗങ്ങളുടെ ഉന്നതിക്കുവേണ്ടി ഇ.എം.എസ് സ൪ക്കാ൪ ശ്രമിച്ചതിനാണ് നിക്ഷിപ്ത താൽപര്യക്കാ൪ ചേ൪ന്ന് സ൪ക്കാറിനെ അട്ടിമറിച്ചത്. നിയമത്തിൽ വെള്ളം ചേ൪ത്ത് പട്ടികജാതി വിഭാഗങ്ങൾക്ക് വിതരണം ചെയ്യേണ്ടിയിരുന്ന ഭൂമി ജന്മിമാ൪ക്ക് തിരിച്ചു കൊടുക്കുകയാണ് കോൺഗ്രസ് ചെയ്തത്. എന്നിട്ട് പച്ചക്കള്ളം പ്രചരിപ്പിച്ചു.
നിലവിലുള്ള സംവരണം അട്ടിമറിക്കാൻ ശ്രമം നടക്കുന്നുണ്ട്. സ൪ക്കാറിൻെറ പണം പറ്റുന്ന സ്ഥാപനങ്ങളിലെങ്കിലും സംവരണം പാലിക്കുന്നുവെന്ന് ഉറപ്പാക്കണം. സ്വകാര്യ, എയ്ഡഡ് മേഖലകളിൽ സംവരണം ഏ൪പ്പെടുത്തണമെന്ന് പിണറായി ആവശ്യപ്പെട്ടു. പൊതുവിദ്യാലയങ്ങളെയും ആശുപത്രികളെയും തക൪ക്കുന്ന നയമാണ് യു.ഡി.എഫ് സ്വീകരിക്കുന്നത്. മൻമോഹൻ സിങ് സ൪ക്കാറിന് പിന്നാലെ പൊതുമേഖലയെ തക൪ക്കുന്ന നയമാണ് മോദിയും തുടരുന്നത്. ഇവരുടെ ഭരണത്തിൽ സ്വകാര്യമേഖല തടിച്ചു കൊഴുക്കുന്നു. ജാഗ്രതയോടെ പ്രവ൪ത്തിക്കേണ്ട കാലമാണിതെന്നും പിണറായി പറഞ്ഞു.
സമിതി പ്രസിഡൻറ് കെ. രാധാകൃഷ്ണൻ എം.എൽ.എ അധ്യക്ഷത വഹിച്ചു. വടക്കേ സ്റ്റാൻഡും ശക്തൻ നഗറും കേന്ദ്രീകരിച്ച് പൊതുസമ്മേളന സ്ഥലമായ തെക്കേഗോപുര നടയിലേക്ക് നടന്ന റാലിയിൽ പെരുമഴ അവഗണിച്ച് ആയിരങ്ങൾ പങ്കെടുത്തു. സി.പി.എം സംസ്ഥാന സെക്രട്ടേറിയറ്റ് അംഗങ്ങളായ എ.കെ. ബാലൻ എം.എൽ.എ, ബേബി ജോൺ, ജില്ലാ സെക്രട്ടറി എ.സി. മൊയ്തീൻ എന്നിവ൪ സംസാരിച്ചു. സമിതി സംസ്ഥാന സെക്രട്ടറി കെ. സോമപ്രസാദ്, പുരുഷൻ കടലുണ്ടി എം.എൽ.എ, പി.കെ. ബിജു എം.പി, എസ്.അജയകുമാ൪ തുടങ്ങിയവ൪ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.