Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightജിഫിയുടെ മരണം ...

ജിഫിയുടെ മരണം വിശ്വസിക്കാനാകാതെ അവര്‍

text_fields
bookmark_border
ജിഫിയുടെ മരണം  വിശ്വസിക്കാനാകാതെ അവര്‍
cancel
തൃശൂര്‍: ജിഫിക്ക് സംഭവിച്ച ദുരന്തം വിശ്വസിക്കാനാവാതെ നടുക്കത്തിലാണ് സുഹൃത്തുക്കള്‍. പട്ടിക്കാട് സെന്‍ററില്‍ താമസിക്കുന്ന ജിഫിക്ക് നിരവധി സുഹൃദ് ബന്ധങ്ങളുണ്ടായിരുന്നു. എട്ടുവര്‍ഷമായി നടത്തറ കെ.എസ്.ഇ.ബി സെക്ഷനു കീഴിലെ ജോലികള്‍ കരാറെടുത്ത് ചെയ്തുവരികയായിരുന്നു ഇദ്ദേഹം. സാധാരണയായി ജിഫി ജോലിക്കാരോടൊപ്പം പോകാറില്ല. തൊഴിലാളികളെ ജോലിസ്ഥലത്തെത്തിച്ച് മേല്‍നോട്ടം നടത്തുകയായിരുന്നു പതിവ്. വൈദ്യുതി തൂണുകള്‍ മാറ്റാനും മറ്റ് അറ്റകുറ്റപ്പണികളുമായി നിരവധി ജോലികള്‍ ഉള്ളതിനാല്‍ ചൊവ്വാഴ്ച ജിഫിയും ജോലിക്കാരോടൊപ്പം കൂടുകയായിരുന്നു. വീടിനു പരിസരത്തും മറ്റുമായി നിരവധി യുവാക്കള്‍ ജിഫിക്കൊപ്പം ജോലിക്കു പോകാറുണ്ടായിരുന്നു. അപകട വാര്‍ത്ത കേട്ടയുടന്‍ ആശുപത്രിയിലേക്ക് തിരിച്ച കൂട്ടുകാര്‍ക്ക് അത് ജിഫിയാകരുതേ എന്ന ഒറ്റ പ്രാര്‍ഥനയേ ഉണ്ടായിരുന്നുള്ളൂ. മൃതദേഹം കണ്ട് പലരും പൊട്ടിക്കരഞ്ഞു. മരിച്ചുവെന്ന് വിശ്വസിക്കാനാകാതെയിരുന്നു പലരും. അപകടവാര്‍ത്തയറിഞ്ഞതോടെ പട്ടിക്കാടു നിന്നും നിരവധി പേരാണ് ആശുപത്രിയിലേക്കെത്തിയത്. വിവിധ ജോലികള്‍ ചെയ്തുവന്ന ജിഫി കെ.എസ്.ഇ.ബിയിലെ കരാര്‍ ജോലി ചെയ്ത് മെച്ചപ്പെട്ട അവസ്ഥയിലേക്ക് ജീവിതം കൊണ്ടുവരികയായിരുന്നുവെന്ന് സുഹൃത്തുക്കള്‍ പറഞ്ഞു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story