പാഠ്യപദ്ധതി പരിഷ്കരണം; കോര്‍ കമ്മിറ്റി പ്രഥമയോഗം അലസി

തിരുവനന്തപുരം: ഇടത് അധ്യാപക സംഘടനാ പ്രതിനിധികളുടെ പ്രതിഷേധത്തിൽ സ്കൂൾ പാഠ്യപദ്ധതി പരിഷ്കരണ മേൽനോട്ടത്തിനും അവലോകനത്തിനുമുള്ള കോ൪ കമ്മിറ്റിയുടെ പ്രഥമ യോഗം തീരുമാനങ്ങളെടുക്കാതെ പിരിഞ്ഞു.
പരിഷ്കരണ നടപടികളെ ചോദ്യംചെയ്ത് കെ.എസ്.ടി.എ ജനറൽ സെക്രട്ടറി എൻ. ഷാജഹാനും എ.കെ.എസ്.ടി.യു ജനറൽ സെക്രട്ടറി എൻ. ശ്രീകുമാറും രംഗത്തുവരികയായിരുന്നു. പാഠ്യപദ്ധതി പരിഷ്കരണത്തിനായി പറയുന്ന കാരണങ്ങൾ വസ്തുതാപരമല്ളെന്ന് ഇവ൪ പറഞ്ഞു. വിദഗ്ദസമിതി റിപ്പോ൪ട്ട് സമ൪പ്പിക്കുന്നതിനുമുമ്പ് തന്നെ പാഠ്യപദ്ധതി പരിഷ്കരണ പ്രവ൪ത്തനങ്ങൾ സമാന്തരമായി നടക്കുകയാണ്. സ൪ക്കാ൪ അംഗീകരിച്ച നിലവിലുള്ള പാഠ്യപദ്ധതി നിഗൂഢസ്വഭാവമുള്ളതാണെന്ന് പരിഷ്കരണത്തിനുള്ള സമീപന രേഖയിൽ പറയുന്നതിനെയും ഇവ൪ വിമ൪ശിച്ചു.
കൂടുതൽ വ്യക്തതയും ച൪ച്ചകളും നടത്തിയ ശേഷമേ പ്രവ൪ത്തനങ്ങൾ മുന്നോട്ടുകൊണ്ടുപോകാവൂ എന്നും ഇരുവരും ആവശ്യപ്പെട്ടു. എന്നാൽ വിദഗ്ധസമിതിയുടെ ഇടക്കാല റിപ്പോ൪ട്ടിനെ അടിസ്ഥാനപ്പെടുത്തിയാണ് പരിഷ്കരണ പ്രവ൪ത്തനങ്ങൾക്ക് തുടക്കംകുറിച്ചതെന്ന് ഭരണപക്ഷ സംഘടനാ പ്രതിനിധികളും എസ്.സി.ഇ.ആ൪.ടി പ്രതിനിധികളും യോഗത്തിൽ പറഞ്ഞു. നിലവിലുള്ള പാഠ്യപദ്ധതി ചട്ടക്കൂട് മാറ്റുന്നതിനുപകരം പോരായ്മകൾ പരിഹരിച്ച് മുന്നോട്ടുപോകാനാണ് തീരുമാനമെന്നും ഇവ൪ പറഞ്ഞു. പരിഷ്കരണം വേണമോ എന്നത് സംബന്ധിച്ച ച൪ച്ചയല്ല കോ൪ കമ്മിറ്റിയുടെ ചുമതലയെന്നും പ്രവ൪ത്തനങ്ങളുടെ മേൽനോട്ടവും വിലയിരുത്തലുമാണെന്നും ഇവ൪ പറഞ്ഞു.
പാഠപുസ്തകങ്ങളുടെ ലഭ്യത നേരത്തെ ഉറപ്പുവരുത്താനാണ് ഇടക്കാല റിപ്പോ൪ട്ടിൻെറ അടിസ്ഥാനത്തിൽ പ്രവ൪ത്തനങ്ങൾ തുടങ്ങിയതെന്നും 29ന് അന്തിമ റിപ്പോ൪ട്ട് സമ൪പ്പിക്കുമെന്നും ഭരണപക്ഷസംഘടനകൾ വ്യക്തമാക്കി. വിമ൪ശമുന്നയിക്കുന്ന സംഘടനാ നേതാക്കൾ നൽകിയ പട്ടികയിൽ നിന്നുള്ളവ൪ പാഠ്യപദ്ധതി പരിഷ്കരണ പ്രവ൪ത്തനങ്ങളിൽ പങ്കെടുത്തുവരികയാണെന്നും ഇവ൪ ചൂണ്ടിക്കാട്ടി.
നിലവിൽ പ്രൈമറി ക്ളാസുകൾ ഗണിതവും പരിസരപഠനവും (ഇ.വി.എസ്) സംയോജിപ്പിച്ചുള്ള പാഠപുസ്തകമാണുള്ളത്. പരിഷ്കരണത്തിൻെറ ഭാഗമായി ഇവ വേ൪പെടുത്താനുള്ള തീരുമാനത്തെ കെ.എസ്.ടി.എ ചോദ്യം ചെയ്തു. ഗണിതത്തിൽ വിദ്യാ൪ഥികൾ പിറകോട്ടുപോയത് ചൂണ്ടിക്കാട്ടിയായിരുന്നു ഭരണപക്ഷ സംഘടനകളുടെ പ്രതിരോധം.
യോഗത്തിൽ ത൪ക്കംമുറുകിയതോടെ ചെയ൪മാൻ കൂടിയായ പൊതുവിദ്യാഭ്യാസ സെക്രട്ടറി ഡോ. ഇളങ്കോവൻ യോഗം നി൪ത്തിവെച്ചു.
വൈസ് ചെയ൪മാൻ പൊതുവിദ്യാഭ്യാസ ഡയറക്ട൪ എ. ഷാജഹാൻ, ഹയ൪സെക്കൻഡറി ഡയറക്ട൪ കേശവേന്ദ്രകുമാ൪, കൺവീന൪ കൂടിയായ എസ്.സി.ഇ.ആ൪.ടി ഡയറക്ട൪ പ്രഫ.കെ.എ. ഹാഷിം, ജോയൻറ് കൺവീന൪മാരായ രവീന്ദ്രൻ നായ൪, വി.പി. അബ്ദുൽ അസീസ്, ഡോ.എസ്. ജയലക്ഷ്മി, അംഗങ്ങളായ സീമാറ്റ് ഡയറക്ട൪ വൽസലകുമാ൪, ഡോ. ജോ൪ജ് ഓണക്കൂ൪, ഡോ. റോസമ്മ ഫിലിപ്പ്, സി.പി. ചെറിയ മുഹമ്മദ്, ഡോ. വിജയൻ ചാലോട്, ഡോ.എസ്.പീരുകണ്ണ്, ഡി.എ. ഹരിഗോവിന്ദൻ, എ.കെ. സൈനുദ്ദീൻ, ജെ.ശശി, എ. മുഹമ്മദ്, കെ.ടി. അബ്ദുൽ ലത്തീഫ്, ഷാജു പുത്തൂ൪, വിക്രമൻ നായ൪ എന്നിവരും യോഗത്തിൽ പങ്കെടുത്തു.