ദോഹ: എക്സണ്‍ മോബില്‍ ഖത്തര്‍ ഓപണ്‍ ടെന്നീസ് ചാമ്പ്യന്‍ഷിപ്പിന്‍െറ കിരീടപ്പോരാട്ടത്തില്‍ രണ്ടാം സീഡ് ഫ്രാന്‍സിന്‍െറ റിച്ചാര്‍ഡ് ഗാസ്ക്വെറഷ്യന്‍ താരം നികോളായ് ഡവിഡെങ്കോയെ നേരിടും. ഇന്നലെ നടന്ന സെമിഫൈനലില്‍ ജര്‍മന്‍ താരം ഡാനിയല്‍ ബ്രാന്‍ഡ്സിനെ 7-5, 7-5ന് കീഴടക്കിയാണ് ഗാസ്ക്വെആദ്യമായി ഖത്തര്‍ ഓപണ്‍ ഫൈനലില്‍ ഇടംകണ്ടത്.
ഒരു മണിക്കൂറും 39 മിനുട്ടും നീണ്ട മല്‍സരം ഏറെ ആവേശകരമായിരുന്നു. രണ്ടാം തവണയാണ് ഗാസ്ക്വെഖത്തര്‍ ഓപണില്‍ കളിക്കുന്നത്. കഴിഞ്ഞ വര്‍ഷം ഒന്നാം റൗണ്ടില്‍ തന്നെ പുറത്താകുകയായിരുന്നു. അതേസമയം, ടോപ് സീഡ് സ്പെയിനിന്‍െറ റോജര്‍ ഫെഡററെ അനായാസം കീഴടക്കിയാണ് ഡവിഡെങ്കോ കലാശപ്പോരിന് യോഗ്യത നേടിയത്. ഒരു മണിക്കൂറും ആറ് മിനുട്ടും മാത്രമേ മല്‍സരം നീണ്ടുനിന്നുള്ളൂ. 15.4 ലക്ഷം ഡോളറാണ് ഖത്തര്‍ ഓപണിലെ മൊത്തം സമ്മാനത്തുക.