12:30:26
18 Apr 2014
Friday
Facebook
Google Plus
Twitter
Rssfeed

സിവില്‍ സപൈ്ളസ് താല്‍ക്കാലിക ജീവനക്കാര്‍ പ്രക്ഷോഭത്തിന്

കോട്ടയം: സപൈ്ളകോ ലാഭം മാര്‍ക്കറ്റ്, മാവേലി സ്റ്റോര്‍, ഹൈപ്പര്‍മാര്‍ക്കറ്റ് തുടങ്ങിയ സ്ഥാപനങ്ങളില്‍ പണിയെടുക്കുന്ന താല്‍ക്കാലിക ജീവനക്കാരുടെ സംഘടനയായ സിവില്‍ സപൈ്ളസ് പാക്കിങ് ആന്‍ഡ് ഡയ്ലി വേജസ് ലേബേഴ്സ് യൂനി യന്‍ സംസ്ഥാന കണ്‍വെന്‍ഷന്‍ ജനുവരി ആറിന് വൈക്കം വ്യാപാര ഭവനില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളന ത്തില്‍ അറിയിച്ചു. അവകാശങ്ങള്‍ നേടുംവരെ സമരവുമായി മുന്നോട്ടുപോകുമെ ന്നും അവര്‍ പറഞ്ഞു.
താല്‍ക്കാലിക ജീവനക്കാര്‍ യാതൊരു രേഖയുമില്ലാതെയാണ് പണിയെടുക്കുന്നത്. സര്‍ക്കാര്‍ തലത്തില്‍ മേല്‍വിലാസമില്ലാതെ പണിയെടുക്കുന്ന തങ്ങള്‍ പിരിച്ചുവിടലിന്‍െറ ഭീഷണിയിലാണ്. തുച്ഛമായ ശമ്പളത്തില്‍ ദീര്‍ഘകാലമായി തൊഴില്‍ചെയ്ത് പ്രായോഗിക പരിജ്ഞാനം നേടിയ തങ്ങളെ പിരിച്ചുവിട്ട് ഉയര്‍ന്ന ശമ്പളത്തില്‍ ഈ മേഖലയില്‍ തിരിച്ചറിവ് പോലുമില്ലാത്തവരെ നിയമിക്കുന്നത് തൊഴിലാളി വഞ്ചനയും തൊഴില്‍ നിഷേധവുമാണെന്ന് ഭാരവാഹികള്‍ പറഞ്ഞു. ദീര്‍ഘകാലമായി പണിയെടുക്കുന്ന തൊഴിലാളികളെ സ്ഥിരപ്പെടുത്തുക, തൊഴില്‍ സ്ഥാപനങ്ങളില്‍ ഹാജര്‍ രേഖപ്പെടുത്താന്‍ അനുവദിക്കുക, നിലവിലെ തൊഴിലാളികളുടെ പണി നഷ്ടപ്പെടുത്തി പുതിയ നിയമനം നടത്താനുള്ള ശ്രമം അവസാനിപ്പിക്കുക, തൊഴില്‍ സമയപരിധിയും വേതന വര്‍ധനവും നടപ്പാക്കുക തുടങ്ങിയ ആവശ്യങ്ങളുന്നയിച്ച് യൂനിയന്‍െറ നേതൃത്വത്തില്‍ വകുപ്പ് മന്ത്രിക്ക് നിവേദനം നല്‍കിയതായും രക്ഷാധികാരി ആപ്പാഞ്ചിറ പൊന്നപ്പന്‍, പ്രസിഡന്‍റ് ടി.പി. കുട്ടപ്പന്‍, സെക്രട്ടറി സെയ്തുമുഹമ്മദ്, ട്രഷറര്‍ ലളിത സോമന്‍, സതി, പുഷ്പ ബാബു, പ്രിയ പ്രമോദ് എന്നിവര്‍ പറഞ്ഞു.


നിങ്ങളുടെ അഭിപ്രായങ്ങള്‍

ഇവിടെ കൊടുക്കുന്ന അഭിപ്രായങ്ങള്‍ മാധ്യമത്തിന്റെ അഭിപ്രായമാവണമെന്നില്ല.
Please Note:
അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.
comments powered by Disqus
Contact us on
Madhyamam Daily
Silver hills, Calicut 12
Pin: 673012
Phone: 0495 2731500
E-Mail: info@madhyamam.com