പുന്നോല്‍: നാലു ദിവസമായി പുന്നോല്‍ പെട്ടിപ്പാലത്ത് മാലിന്യ കൂനകള്‍ക്ക് മേല്‍ പടര്‍ന്ന തീയും പുകയും ഇല്ലാതാക്കാന്‍ സര്‍വകക്ഷി യോഗം വിളിച്ച് അടിയന്തര നടപടി സ്വീകരിക്കുമെന്ന് മന്ത്രി മഞ്ഞളാം കുഴി അലി പറഞ്ഞു. പ്രശ്നം പരിഹരിക്കാന്‍ നടപടി വേണമെന്നാവശ്യപ്പെട്ട് മന്ത്രിയെ കണ്ട മുസ്ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ. മജീദ്, മുസ്ലിം ലീഗ് ന്യൂ മാഹി പഞ്ചായത്ത് പ്രസിഡന്‍റ് കെ.കെ. ബഷീര്‍ എന്നിവര്‍ക്കാണ് ഉറപ്പു നല്‍കിയത്.