ചെന്നൈ: പാകിസ്താനെതിരായ വിരോചിത പ്രകടനത്തിലൂടെ ഇന്ത്യന്‍ ക്യാപ്റ്റന്‍ എം.എസ്.ധോണി ഏകദിനത്തിലെ റണ്‍വേട്ട 7000 കടത്തി. 211ാമത്തെ മത്സരത്തിലാണ് ധോണിയുടെ നേട്ടം.  ഈ നേട്ടത്തിലെത്തുന്ന ഏഴാമത്തെ ഇന്ത്യക്കാരനും ലോകത്തെ 32ാമത്തെ ക്രിക്കറ്ററുമാണ് ധോണി. 18,426 റണ്‍സുമായി സചിനാണ് റണ്‍വേട്ടയില്‍ ഒന്നാമത്. സൗരവ് ഗാംഗുലി (11,363), രാഹുല്‍ ദ്രാവിഡ് (10,889), മുഹമ്മദ് അസ്ഹറുദ്ദീന്‍ (9,378), വീരേന്ദര്‍ സെവാഗ് (8242), യുവരാജ്സിങ് (8053) എന്നിവരാണ് മുന്നിലുള്ള ഇന്ത്യക്കാര്‍.