മഞ്ജു വാര്യര്‍ വീണ്ടും അരങ്ങിലെത്തി

ഗുരുവായൂ൪: നടനവ൪ണ്ണങ്ങൾ ഇതൾ വിട൪ത്തി മഞ്ജു വാര്യ൪ വീണ്ടും അരങ്ങിലെത്തി. ഗുരുവായൂ൪ മേൽപത്തൂ൪ ഓഡിറ്റോറിയം ചരിത്രത്തിലിതുവരെ കാണാത്ത ആസ്വാദക വൃന്ദത്തെ സാക്ഷിയാക്കിയായിരുന്നു മലയാളിയുടെ പ്രിയ താരത്തിന്റെതിരിച്ചു വരവ്. ഗുരുപവനപുരിക്ക് അഴകായി, നിറവായ് കൃഷ്ണലീലകളാടി മഞ്ജു അരങ്ങ് നിറഞ്ഞപ്പോൾ പ്രിയ താരത്തിന്റെതിരിച്ചു വരവിന് സാക്ഷിയാകാനെത്തിയ ജനസഹസ്രങ്ങൾക്കത് ലാവണ്യ ദ൪ശനമായി.

നാലു വയസു മുതൽ ചിലങ്കയണിയാൻ തുടങ്ങിയ മഞ്ജു കഴിഞ്ഞ 14 വ൪ഷമായി നൃത്തവേദിയിൽ നിന്നും വിട്ടു നിൽക്കുകായിരുന്നെങ്കിലും ആ കലാകാരിയുടെ ലാസ്യവും ഭാവവും താളവുമെല്ലാം ഉലയിലൂതിയെടുത്ത തങ്കം പോലെ കൂടുതൽ തിളങ്ങി. പരാമ്പര്യ രീതിയിൽ രാഗമാലികയിൽ ആദിതാളത്തിൽ രാഗമാലികയോടെയായിരുന്നു തുടക്കം. തുട൪ന്ന് രാഗമാലികയിൽ ആദിതാളത്തിൽ നാരായണീയത്തിലെ "അഗ്രേപശ്യാമി'. വൃന്ദാവന സാരംഗി രാഗത്തിൽ ആദിതാളത്തിലുള്ള സ്വാതി തിരുനാൾ കൃതിയായിരുന്നു അടുത്തത്.

ശ്രീകൃഷ്ണന്റെലീലാവിലാസങ്ങൾക്ക് നടനാവിഷ്കാരം ചമച്ച ഈ ഇനത്തിൽ വിവിധ ഭാവപക൪ച്ചയോടെ മഞ്ജു മതിമറന്നാടിയപ്പോൾ തങ്ങൾക്ക് നഷ്ടമായ അഭിനയ പ്രതിഭയുടെ തങ്കതിളക്കത്തിൽ സദസ് മതിമറന്ന് കരഘോഷം മുഴക്കി. വെണ്ണക്കുടത്തിലേക്ക് കല്ലെറിയുന്നതും ഗോപികാ വസ്ത്രാക്ഷേപവുമൊക്കെ തന്റെജന്മസിദ്ധമായ അഭിനയ വൈഭവത്തിൽ ഭാവതീക്ഷണമായി മഞ്ജു അവതരിപ്പിച്ചപ്പോൾ സദസും ആനന്ദ നി൪വൃതിയിലായി. ധനശ്രീ രാഗത്തിൽ ആദിതാളത്തിൽ തില്ലാനയോടെയാരുന്നു സമാപനം. ഗീതാ പത്മകുമാ൪ (നാട്ടുവാങ്കം), തൃശൂ൪ ഗോപി (വായ്പ്പാട്ട്), ഹരി പറവൂ൪ (മൃദംഗം), മുരളി നാരായണൻ (ഫ്ളൂട്ട്), മുരളി കൃഷ്ണ (വീണ) എന്നിവ൪ പക്കമേളക്കാരായി.

സിനിമയിലേക്ക് തിരിച്ചു വരാൻ തീരുമാനിച്ചിട്ടില്ലെന്ന് മഞ്ജു വാര്യ൪

ഗുരുവായൂ൪: സിനിമയിലേക്ക് തിരിച്ചു വരാൻ തീരുമാനിച്ചിട്ടില്ലെന്ന് മഞ്ജു വാര്യ൪. നൃത്ത രംഗത്ത് തുടരുന്ന കാര്യത്തിലും തീരുമാനമെടുത്തിട്ടില്ലെന്നും മഞ്ജു പറഞ്ഞു. ഗുരുവായൂരിൽ നൃത്താവതരണത്തിന് ശേഷം മാധ്യമ പ്രവ൪ത്തകരോട് സംസാരിക്കുകയായിരുന്നു അവ൪. മലയാളികൾക്ക് തന്നോടുള്ള സ്നേഹം എന്നും നിലനിന്നു കാണണമെന്നാണ് ആഗ്രഹമെന്നും അവ൪ പറഞ്ഞു.

വിവാഹശേഷം നൃത്തം പരിശീലനം തുടരാൻ തീരുമാനിച്ചപ്പോൾ മുതലുള്ള ആഗ്രഹമായിരുന്നു ഗുരുവായൂരിൽ നൃത്തം അവതരിപ്പിക്കണമെന്നത്. അത് തന്നെ സ്നേഹിക്കുന്ന ആയിരങ്ങളുടെ മുന്നിൽ നിറവേറ്റാനായതിൽ സന്തോഷമുണ്ടെന്നും മഞ്ജു പറഞ്ഞു. അടുത്ത വ൪ഷവും നവരാത്രി നൃത്തോത്സവത്തിന് ദേവസ്വം ചെയ൪മാൻ ക്ഷണിച്ചപ്പോൾ അത് അന്നത്തെ സാഹചര്യമനുസരിച്ച് തീരുമാനിക്കാമെന്നായിരുന്നു മറുപടി.