കോന്നി: കള്ളനോട്ടുകേസിലെ പ്രതിയായി ചിത്രീകരിച്ച് പൊലീസും കടക്കാരും വിധവയെയും മകനെയും മാനസികമായി പീഡിപ്പിച്ചതില് പ്രതിഷേധം. കോന്നി കാളഞ്ചിറ വിജയ ഭവനത്തില് വിജയലക്ഷ്മി (46), മകന് അഭിലാഷ് (20) എന്നിവരാണ് മാനസിക പീഡനത്തിന് ഇരയായത്. കഴിഞ്ഞ 12 ന് വൈകുന്നേരം അഞ്ച് മുതല് രാത്രി 12 വരെ പൊലീസ് സ്റ്റേഷനിലും വീട്ടിലും ചോദ്യംചെയ്യലും അന്വേഷണവും നടന്നു. അവസാനം കള്ളനോട്ട് അല്ലെന്ന് പരിശോധനയില് തെളിഞ്ഞതോടെ മാതാവിനെയും മകനെയും വീട്ടിലേക്ക് അയച്ചു.ചെയ്യാത്ത കുറ്റത്തിന് മാനസികമായി പീഡിപ്പിച്ചതിന്െറ ദു$ഖത്തിലാണ് കുടുംബം.
കള്ളനോട്ട് പരിശോധിക്കാന് സംവിധാനമില്ലാതെ ഒറ്റനോട്ടത്തില് വ്യാജനോട്ട് എന്ന് മുദ്രകുത്തിയ കടയുടമകളും പൊലീസും കുറ്റക്കാരാണ്. ഇവര്ക്ക് ശിക്ഷ ലഭിക്കാനും മാതാവിനും മകനും നീതിയും നഷ്ടപരിഹാരവും നല്കാന് തയാറാകണമെന്ന് വിജില് ഇന്ത്യ മൂവ്മെന്റ് നേതാവ് സലില് വയലത്തല പറഞ്ഞു. വക്കീല് മുഖേന മാനനഷ്ടത്തിന് മാതാവും മകനും കേസ് ഫയല് ചെയ്തു. ഡി.ജി.പിക്കും മറ്റ് ഉന്നത ഉദ്യോഗസ്ഥര്ക്കും പരാതി നല്കും.
നിങ്ങളുടെ അഭിപ്രായങ്ങള്