ഹൈദരാബാദ്‘ ദക്ഷിണ മേഖലാ സീനിയര്‍ ബാസ്കറ്റ്ബാള്‍ ചാമ്പ്യന്‍ഷിപ്പില്‍ കേരള വനിതകള്‍ക്ക് കിരീടം. അവസാന ലീഗ് മത്സരത്തില്‍ കരുത്തരായ തമിഴ്നാടിനെ 43-54ന് കീഴടക്കിയാണ് കേരളം ജേതാക്കളായത്. കേരള പുരുഷന്മാര്‍ മൂന്നാം സ്ഥാനത്താണ് ഫിനിഷ്്ചെയ്തത്. അവസാന മത്സരത്തില്‍ കേരളം പൊരുതിക്കളിച്ച ആന്ധ്രപ്രദേശിനെ 68-63ന് മറികടന്നാണ് മൂന്നാം സ്ഥാനം സ്വന്തമാക്കിയത്.
വനിതകളില്‍ 22 പോയന്‍റ് നേടിയ രോഷ്്മി തോമസാണ് കേരളത്തിന്‍െറ ടോപ്സ്കോറര്‍. സ്റ്റെഫി നിക്സന്‍ 13ഉം പി.എസ്. നീനുമോള്‍ എട്ടും പോയന്‍റ് നേടി. ലിസി മാത്യു, ആഷി മാത്യു, മെര്‍ലിന്‍ ബേബി, എം. ആതിര, സോനുമോള്‍ സോമന്‍, പി.ആര്‍.സൂര്യ, ആഷ അബ്രഹാം, ഒഷീന്‍ നവീന്ദ്രന്‍, എം. ലിബിന എന്നിവരാണ് ടീമിലെ മറ്റംഗങ്ങള്‍. കഴിഞ്ഞദിവസം ആന്ധ്രപ്രദേശിനെ 56-43നാണ് കേരളം കീഴടക്കിയത്.
പുരുഷ ടീമിനുവേണ്ടി മോനിഷ് വില്‍സന്‍ 28ഉം ജോമോന്‍ ജോസ് 18ഉം പോയന്‍റ് നേടി.