|
ഖേല്രത്ന,അര്ജുന അവാര്ഡുകള് പ്രഖ്യാപിച്ചു
 ന്യൂദല്ഹി: ലണ്ടന് ഒളിമ്പിക്സില് നാടിന്െറ മാനം കാത്ത കായിക താരങ്ങള്ക്ക് രാഷ്ട്രത്തിന്െറ ആദരം. ഒരാഴ്ച മുമ്പ് സമാപിച്ച 30ാം ഒളിമ്പിക്സില് ഇന്ത്യക്കുവേണ്ടി വെള്ളിമെഡല് നേടിയ ഷൂട്ടിങ് താരം വിജയ് കുമാറിനും ഗുസ്തിയില് വെങ്കലം നേടിയ യോഗേശ്വര് ദത്തിനും കായിക ഇന്ത്യയുടെ പരമോന്നത ബഹുമതിയായ ഖേല്രത്ന പുരസ്കാരം നല്കും. ആതന്സ് ഒളിമ്പിക്സിലെ വെള്ളിമെഡല് ജേതാവ് രാജ്യവര്ധന് സിങ് രാത്തോഡ് അധ്യക്ഷനായുള്ള അവാര്ഡ് നിര്ണയ കമ്മിറ്റിയാണ് ഇവരെ ഖേല്രത്ന പുരസ്കാരത്തിനായി ശിപാര്ശ ചെയ്തത്. മെഡലും ഏഴര ലക്ഷം സമ്മാനതുകയുമുള്ള അവാര്ഡ് മുന് പ്രധാനമന്ത്രി രാജീവ് ഗാന്ധിയുടെ പേരിലാണ് അറിയപ്പെടുന്നത്. ലണ്ടനില് ഇന്ത്യയുടെ യശസ്സുയര്ത്തിയ പ്രകടനം കാഴ്ചവെച്ച മെഡല് ജേതാക്കള് പുരസ്കാരം പങ്കിടും. 2009ല് ബെയ്ജിങ് ഒളിമ്പിക്സിലെ മെഡല് ജേതാക്കളായ സുശീല് കുമാര്, വിജേന്ദര് സിങ്, ലോകബോക്സിങ് ചാമ്പ്യന് മേരി കോം എന്നിവര്ക്കായിരുന്നു ഖേല് രത്ന സമ്മാനിച്ചത്. 2010ല് ബാഡ്മിന്റണ് താരം സൈന നെഹ്വാളും 2011ല് ഷൂട്ടിങ് താരം ഗഗന് നാരംഗും രാജ്യത്തിന്െറ പരമോന്നത കായിക പുരസ്കാരം സ്വന്തമാക്കി.
ഇവിടെ കൊടുക്കുന്ന അഭിപ്രായങ്ങള് മാധ്യമത്തിന്റെ അഭിപ്രായമാവണമെന്നില്ല.
Please Note:
അഭിപ്രായങ്ങള് മലയാളത്തിലോ ഇംഗ്ലീഷിലോ എഴുതുക. മംഗ്ലീഷില് എഴുതുന്ന അഭിപ്രായങ്ങള് പോസ്റ്റ് ചെയ്യുന്നതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.
|
നിങ്ങളുടെ അഭിപ്രായങ്ങള്