ജിദ്ദ: സിറിയന്‍ പ്രതിസന്ധി, ഉഭയകക്ഷി ബന്ധങ്ങള്‍ എന്നിവയുമായി ബന്ധപ്പെട്ട് ഇറാന്‍െറയും തുര്‍ക്കിയുടെയും ഭരണസാരഥികള്‍ ചര്‍ച്ച നടത്തി. മക്കയില്‍ ചേര്‍ന്ന ഒ.ഐ.സി ഉച്ചകോടിയില്‍ പങ്കെടുത്ത ഇറാന്‍ പ്രസിഡന്‍റ് അഹ്മദി നെജാദും തുര്‍ക്കി പ്രസിഡന്‍റ് അബ്ദുല്ല ഗുല്ലുമാണ് ചര്‍ച്ച നടത്തിയത്.
സിറിയയില്‍ സിവിലിയന്മാര്‍ കൊല്ലപ്പെടുന്നതില്‍ ഗുല്‍ ആശങ്ക രേഖപ്പെടുത്തി. പ്രതിസന്ധി എത്രയുംവേഗം പരിഹരിക്കുന്നതിനുള്ള രാഷ്ട്രീയ പോംവഴികളാണ് ഇരുനേതാക്കളും ചര്‍ച്ച ചെയ്തത്.
സിറിയന്‍ പ്രസിഡന്‍റ് ബശ്ശാറിനെ അനുകൂലിക്കുന്ന ഇറാന്‍െറ നയവും വിമതപക്ഷ നിലപാട് സ്വീകരിക്കുന്ന തുര്‍ക്കിയും തമ്മിലുള്ള ബന്ധങ്ങള്‍ ഈയിടെ വഷളായിരുന്നു.