Sun, 07/15/2012 - 23:41 ( 48 weeks 3 daysago)
ഹോക്കി: ബ്രിട്ടനു മുന്നില് ഇന്ത്യ വീണു
സാന്റഡര്: ഒളിമ്പിക്സിനു മുന്നോടിയായുള്ള ത്രിരാഷ്ട്ര സന്നാഹ മത്സരത്തില് ഇന്ത്യന് ഹോക്കി ടീമിന് തോല്വി.
സ്പെയിനില് നടക്കുന്ന പരമ്പരയിലെ ആദ്യ മത്സരത്തില് ബ്രിട്ടനാണ് 1-3ന് ഇന്ത്യയെ കീഴടക്കിയത്. നന്നായി തുടങ്ങിയ ഇന്ത്യ കളിയുടെ മൂന്നാം മിനിറ്റില് ശിവേന്ദ്ര സിങ്ങിന്െറ ഗോളിലൂടെ തുടക്കത്തില് തന്നെ ലീഡ് സ്വന്തമാക്കി. എന്നാല്, രണ്ട് മിനിറ്റിനകം ഇന്ത്യന് ഗോള് കീപ്പര് ഭരത് ഛെത്രിയെ വെള്ളം കുടിപ്പിച്ച് ബ്രിട്ടന് പ്രത്യാക്രമണം ആരംഭിച്ചതോടെ മത്സരഗതിയും ഉറപ്പിച്ചു.
കുറച്ചുനേരം ചെറുത്തു നിന്നെങ്കിലും 17ാം മിനിറ്റില് പെനാല്റ്റി കോര്ണര് ഗോളാക്കി മാറ്റി ജെയിസ് ടിന്ഡല് ബ്രിട്ടന് സമനില സമ്മാനിച്ചു. രണ്ടാം പകുതിയുടെ ആദ്യ മിനിറ്റില് തന്നെ ഇന്ത്യയുടെ തുഷാര് ഖണ്ഡേക്കറിന്െറ ഗോള് ശ്രമി ഉജ്ജ്വല സേവിങ്ങിലൂടെയാണ് ബ്രിട്ടീഷ് ഗോള് കീപ്പര് ജെയിംസ് ഫെയര് രക്ഷപ്പെടുത്തിയത്. 45, 62 മിനിറ്റില് ആഷ്ലി ജാക്സന് നേടിയ ഇരട്ട ഗോളിലൂടെ ബ്രിട്ടന് വിജയം ഉറപ്പിച്ചു. ത്രിരാഷ്ട്ര പരമ്പരയിലെ അടുത്ത മത്സരത്തില് തിങ്കളാഴ്ച ബ്രിട്ടനും സ്പെയിനും തമ്മില് ഏറ്റുമുട്ടും. 18ന് സ്പെയിനിനെതിരെയാണ് ഇന്ത്യയുടെ അവസാന മത്സരം. ജൂലൈ 27ന് ആരംഭിക്കുന്ന ഒളിമ്പിക്സിനു മുന്നോടിയായി ഇന്ത്യയുടെ അവസാന തയാറെടുപ്പ് മത്സരമാണിത്.
നിങ്ങളുടെ അഭിപ്രായങ്ങള്