വേതനമില്ല; ഉമ്മുല്ഖുവൈനില് 15 മലയാളികള് യാതനയില്Published on Tue, 07/10/2012 - 10:57 ( 45 weeks 3 days ago)
 ഉമ്മുല്ഖുവൈന്: ആത്മഹത്യകള് പെരുകുന്ന പ്രവാസ ലോകത്ത് ജോലിയും കൂലിയുമില്ലാതെ, ഒരു നേരത്തെ അന്നത്തിന് ആര് വക നല്കുമെന്ന ആശങ്കയോടെ ദിനരാത്രങ്ങള് തള്ളിനീക്കുകയാണ് പതിനഞ്ചോളം മലയാളികള്. ഉമ്മുല്ഖുവൈനില് പ്രവര്ത്തിക്കുന്ന പ്രമുഖ ഫര്ണിച്ചര് കമ്പനിയിലെ തൊഴിലാളികളാണ് മൂന്ന് മാസത്തിലേറെയായി ശമ്പളം ലഭിക്കാത്തതിനാല് നരകയാതന അനുഭവിക്കുന്നത്. കൃത്യമായി ശമ്പളം ലഭിക്കാത്തതിനാല് തൊഴിലാളികള് ഈയിടെയായി ജോലിക്ക് പോകുന്നത് നിര്ത്തിയിരുന്നു. 120ഓളം തൊഴിലാളികള് ജോലി ചെയ്യുന്ന കമ്പനി ഇപ്പോള് പ്രവര്ത്തിക്കുന്നുമില്ല. അടുത്തുള്ള സൂപ്പര് മാര്ക്കറ്റുകാരുടെ ഒൗദാര്യത്തിലാണ് ഇത്രയും കാലം ഇവര് ജീവിച്ചുപോന്നത്. എന്നാല് മലയാളിയായ കടയുടമക്കും ഇവരെ സഹായിക്കാന് നിവൃത്തിയില്ലാത്ത അവസ്ഥയിലേക്ക് കാര്യങ്ങള് എത്തിയതോടെ ഇവര്ക്ക് മറ്റ് പ്രവാസികള്ക്ക് മുന്നില് കൈനീട്ടുകയല്ലാതെ മറ്റു പോംവഴിയില്ല. ഉമ്മുല്ഖുവൈന് ഇന്ത്യന് അസോസിയേഷന് ഭാരവാഹികളും കെ.എം.സി.സി അടക്കം ചില സാമൂഹിക സംഘടനകളും ഇവര്ക്ക് സഹായമത്തെിച്ചിരുന്നു. മൂന്ന് മാസമായി ശമ്പളം ലഭിക്കാത്തതിനാല് ഇവിടുത്തെ പോലെ നാട്ടിലും ഇവര്ക്ക് ബാധ്യതകള് കുന്നുകൂടിയിട്ടുണ്ട്. ഓരോ ദിവസവും ഭക്ഷണം കഴിക്കാന് പോലും മറ്റുള്ളവര് കനിയേണ്ട അവസ്ഥയിലാണ് ഇവരിപ്പോള്. മകന് മരണപ്പെട്ടപ്പോള് ഒരു തൊഴിലാളിക്ക് വീട്ടില് പോകാന് നാട്ടില് നിന്ന് പണം അയച്ചുനല്കുകയായിരുന്നുവത്രെ. |
|
GULF MADHYAMAM |
HEAD OFFICE: P.B.No.4243 ROOM G06,BLDNo.4,DUBAI MEDIA CITY, DUBAI UAE |
E-mail dubai@gulfmadhyamam.net |
© 2013 - Gulf Madhyamam Alright reserved |
നിങ്ങളുടെ അഭിപ്രായങ്ങള്