റിയാദ്: യമനി കുടുംബ താമസിക്കുന്ന വീടിന് തീപിടിച്ച് 10 പേര്‍ക്ക് പരിക്കേറ്റതായി സൗദി സിവില്‍ ഡിഫന്‍സ് വൃത്തങ്ങള്‍ വ്യക്തമാക്കി. പരിക്കേറ്റവരില്‍ രണ്ട് പേര്‍ മുലകുടി പ്രായത്തിലുള്ള കുട്ടികളാണ്. പരിക്കേറ്റ് സ്ത്രീകളും കുട്ടികളും ഉള്‍പ്പെടുന്ന പത്ത് പേരില്‍ അഞ്ചാളുകളെ അമീര്‍ സല്‍മാന്‍ ആശുപത്രിയിലും മറ്റുള്ളവരെ കിങ് സഊദ് മെഡിക്കല്‍ സിറ്റിയിലും പ്രവേശിച്ചു.
റിയാദിന്റെ തെക്കു ഭാഗത്തുള്ള സുവൈദിയിലെ വീട്ടില്‍ ഇന്നലെ ഉച്ചക്ക് 12 മണിക്കാണ് തീ പടര്‍ന്നതെന്ന് സിവില്‍ ഡിഫന്‍സ് വക്താവ് സഈദ് അല്‍ഗാമിദി പറഞ്ഞു. ഒരു മണിക്കൂറിനകം തീയണക്കാനും പരിക്കേറ്റവരെ ആശുപത്രിയിലെത്തിക്കാനും സാധിച്ചതായി വക്താവ് കൂട്ടിച്ചേര്‍ത്തു.