ലണ്ടന്‍: നൊവാക് യോകോവിച്, റോജര്‍ ഫെഡറര്‍, സെറീന വില്യംസ് തുടങ്ങിയവര്‍ വിംബ്ള്‍ഡണ്‍ ടെന്നീസ് ടൂര്‍ണമെന്‍റിന്‍െറ സെമി ഫൈനലില്‍ കടന്നു. നാലാം സീഡ് പെട്രാ ക്വിറ്റോവ സെറീനയോട് തോറ്റ് ക്വാര്‍ട്ടര്‍ ഫൈനലില്‍ പുറത്തായി. പുരുഷ സിംഗ്ള്‍സ് സെമിയില്‍ യോകാവിചാണ് ഫെഡററുടെ എതിരാളി. വനിതാ സിംഗ്ള്‍സില്‍ വിക്ടോറിയ അസാരെങ്ക, ആഗ്നെയെസ്ക റഡ്വാന്‍സ്ക, ആന്‍ജലിക് കെര്‍ബര്‍ എന്നിവരും അവസാന നാലില്‍ കടന്നിട്ടുണ്ട്.
ക്വാര്‍ട്ടറില്‍ ഒന്നാം സീഡ് സെര്‍ബിയക്കാരന്‍ യോകോവിച് ജര്‍മന്‍ താരമായ ഫ്ളോറിയന്‍ മേയറെ 6-4, 6-1, 6-4നാണ് പറഞ്ഞുവിട്ടത്. മൂന്നാം സീഡും സ്വിറ്റ്സര്‍ലന്‍ഡുകാരനുമായ ഫെഡറര്‍, റഷ്യയുടെ മിഖായില്‍ യൂഴ്നിക്കെതിരെ ജയം കണ്ടു. സ്കോര്‍: 6-1, 6-2, 6-2.
ചെക്ക് റിപബ്ളിക് താരമായ ക്വിറ്റോവയെ അമേരിക്കക്കാരിയായ ആറാം സീഡ് സെറീന 6-3, 7-5 എന്ന സ്കോറിന് വീഴ്ത്തി. ആസ്ട്രിയക്കാരിയായ തമിറ പസേക്കക്കെതിരെയായിരുന്നു രണ്ടാം സീഡും ബെലറൂസ് താരവുമായ അസാരെങ്കയുടെ വിജയം. സ്കോര്‍: 6-3, 7-6.
എട്ടാം സീഡും ജര്‍മന്‍താരവുമായ കെര്‍ബര്‍ നാട്ടുകാരിയായ സബീന്‍ ലിസിക്കിയെ തോല്‍പ്പിച്ചു. സ്കോര്‍: 6-3, 6-7, 7-5. മൂന്നാം സീഡ് പോളണ്ടിന്‍റെ റഡ്വാന്‍സ്ക 7-5, 4-6, 7-5ന് റഷ്യയുടെ മരിയ കിരിലെങ്കോയെ കെട്ടുകെട്ടിച്ചു.
വനിതാ സിംഗ്ള്‍സ് സെമിയില്‍ സെറീനയെ അസാരെങ്കയും കെര്‍ബറെ റഡ്വാന്‍സ്കയെ നേരിടും.