ലണ്ടന്‍: ടോപ്സീഡ് മരിയ ഷറപോവ വിംബ്ള്‍ഡണ്‍ ടെന്നിസ് ടൂര്‍ണമെന്‍റിന്‍െറ വനിതാ വിഭാഗം സിംഗ്ള്‍സില്‍ ക്വാര്‍ട്ടര്‍ ഫൈനലിലെത്താതെ പുറത്തായി. പ്രീക്വാര്‍ട്ടറില്‍ ജര്‍മന്‍താരം സബിനെലിസിക്കിയാണ് 6-4, 6-3ന് റഷ്യന്‍ താരത്തെ കെട്ടുകെട്ടിച്ചത്. മുന്‍ ചാമ്പ്യനും ആറാം സീഡുമായ സെറീനാ വില്യംസ് മൂന്ന് സെറ്റ് നീണ്ട മത്സരത്തിനൊടുവില്‍ 6-1, 2-6, 7-5ന് കസാഖ്സ്താന്‍െറ യരോസ്ലാവഷ്വൊഡോവയെ കീഴടക്കി ക്വാര്‍ട്ടര്‍ ഫൈനലിലെത്തി.
പുരുഷ വിഭാഗത്തില്‍ മുന്‍ ചാമ്പ്യനും മൂന്നാം സീഡുമായ റോജര്‍ ഫെഡറര്‍ 7-6, 6-1, 4-6, 6-3ന് ബെല്‍ജിയത്തിന്‍െറ സീഡില്ലാതാരം സേവ്യര്‍ മലീസയെ കീഴടക്കി ക്വാര്‍ട്ടര്‍ ഫൈനലില്‍ ഇടം നേടി. വനിതാ വിഭാഗത്തില്‍ മുന്‍ ലോക ഒന്നാം നമ്പര്‍ താരം കിം കൈ്ളസ്റ്റേഴ്സും നാലാം റൗണ്ടില്‍ തോറ്റു പുറത്തായി.
വിരമിക്കാനൊരുങ്ങുന്ന ബെല്‍ജിയന്‍ താരം നേരിട്ടുള്ള സെറ്റുകള്‍ക്ക് ജര്‍മനിയുടെ എട്ടാം സീഡ് അന്‍ജലിക്ക് കെര്‍ബറിനോടാണ് മുട്ടുകുത്തിയത്. സ്കോര്‍: 1-6, 1-6. ഫ്രാന്‍സിസ്ക ഷിയാവോണിനെ തോല്‍പിച്ച് നാലാംസീഡ് പെട്ര ക്വിറ്റോവയും (സ്കോര്‍: 6-4, 5-7, 1-6) കാമില ജോര്‍ജിയെ തകര്‍ത്ത് മൂന്നാം സീഡ് ആഗ്നിയെസ്ക റാഡ്വാന്‍സ്കയും (2-6, 3-6) ക്വാര്‍ട്ടറിലെത്തി. 21ാം സീഡ് റോബര്‍ട്ടാ വിന്‍ചിയെ അട്ടിമറിച്ച് താമിറ പാസെകും ഷുവായ് പെങ്ങിനെ വീഴ്ത്തി മരിയ കിരിലെങ്കോയും അവസാന നാലില്‍ കടന്നിട്ടുണ്ട്.