കൊല്ലം: നഗരത്തില് വിദ്യാര്ഥികളെ കയറ്റിപ്പോകുന്ന സ്വകാര്യവാഹനങ്ങളിലും സ്കൂള്വാഹനങ്ങളിലുമുള്പ്പെടെ പൊലീസിന്െറ മിന്നല് പരിശോധന. മദ്യപിച്ച് വാഹനമോടിച്ച അഞ്ച് ഡ്രൈവര്മാര് പിടിയില്.
നഗരപരിധിയില് ആറിടത്ത് വെള്ളിയാഴ്ച വൈകുന്നേരം മൂന്നേകാല് മുതല് അഞ്ചുവരെയാണ് സിറ്റിപൊലീസ് കമീഷണറുടെയും എ.സി.പിയുടെയും നിര്ദേശപ്രകാരം പരിശോധന നടന്നത്. അഞ്ചുംകല്ലുംമൂട്, ആല്ത്തറമൂട്, വള്ളിക്കീഴ്, കപ്പലണ്ടിമുക്ക്, അയത്തില്, ടൗണ് അതിര്ത്തി എന്നിവിടങ്ങളില് വെസ്റ്റ് സി.ഐ കമറുദ്ദീന്െറ നേതൃത്വത്തിലായിരുന്നു പരിശോധന. മുന്നൂറോളം വാഹനങ്ങള് പരിശോധിച്ചു. ആല്ത്തറമൂട്, അയത്തില് എന്നിവിടങ്ങളില് നിന്ന് രണ്ടുപേരെയും, അഞ്ചുകല്ലുംമൂട്ടില് നിന്ന് ഒരാളെയുമാണ് മദ്യപിച്ച് വാഹനമോടിച്ചതിന് പിടികൂടിയിട്ടുള്ളത്. കുറ്റക്കാര്ക്കെതിരെ കര്ശന നടപടിയുണ്ടാകുമെന്നാണ് സൂചന. സ്കൂള് വിട്ട് തിരിച്ചുപോകുന്ന സമയമായതിനാല് കുട്ടികളെ ബുദ്ധിമുട്ടിക്കാതെയായിരുന്നു പരിശോധന. ആല്ത്തറമൂട്ടില് സി.ഐ കമറുദ്ദീന്, അഞ്ചുകല്ലുംമൂട്ടില് എസ്.ഐ മോഹനന് ആചാരി, വള്ളിക്കീഴില് എസ്.ഐ രൂപേഷ് രാജ്, കപ്പലണ്ടിമുക്കില് എസ്.ഐ വിശ്വംഭരന്, അയത്തിലില് എസ്.ഐ റഷീദ്, ടൗണ് അതിര്ത്തിയില് എസ്.ഐ പങ്കജാക്ഷന് എന്നിവര് പരിശോധനക്ക് നേതൃത്വംനല്കി.
നിങ്ങളുടെ അഭിപ്രായങ്ങള്