പുണെ: ലോകത്തിലെ ഏറ്റവും ഉയരം കൂടിയ ദമ്പതികള്‍ എന്ന റെക്കോര്‍ഡ് സ്വന്തമാക്കി ഗിന്നസില്‍ കയറാനുള്ള ഒരുക്കത്തലാണ് കുല്‍ക്കര്‍ണി ദമ്പതികള്‍. നിലവിലെ ‘ഉന്നതരെ’ അട്ടിമറിക്കാനാവുമെന്ന പ്രതീക്ഷയിലാണ് 52കാരനായ ശരത് കുല്‍ക്കര്‍ണിയും ഭാര്യയും 46 കാരിയുമായ സന്‍ജോതും. ഏഴടി 1.5 ഇഞ്ച്ആണ് ശരതിന്‍െറ ഉയരമെങ്കില്‍ ആറടി 2.6 ഇഞ്ചുകാരിയാണ് സന്‍ജോത. ഇവരുടെയും രണ്ട് പെണ്‍മക്കളായ 22കാരി മര്‍ഗയും 16 കാരി സാന്യയും പൊക്കത്തില്‍ ഒട്ടും പിന്നിലല്ല. യഥാക്രമം ആറടി,ആറടി നാലിഞ്ച് എന്നിങ്ങനെയാണ് രണ്ടു പേരുടെയും ഉയരം. ഇവരും കൂടെ ചേര്‍ന്ന് ‘ഉയരംകൂടിയ കുടുംബം’ എന്ന മറ്റൊരു റെക്കോര്‍ഡും എത്തിപ്പിടിക്കാനാവുമെന്ന പ്രതീക്ഷയും ഇവര്‍ക്കുണ്ട്. തങ്ങള്‍ വിവാഹിതരായ 1989തില്‍ ലിംക ബുക് ഓഫ് റെക്കോര്‍ഡില്‍ കുല്‍ക്കര്‍ണി ദമ്പതികള്‍ കയറിപ്പറ്റിയിരുന്നു."ഉയരം കൊണ്ട് ഞങ്ങള്‍ ഒരുപാട് പ്രയസങ്ങള്‍ അനുഭവിച്ചിട്ടുണ്ട് ഞങ്ങള്‍. വ്യത്യസ്ത ജീവിതം നയക്കുന്നവര്‍ എന്ന അര്‍ഥത്തില്‍ അംഗീകരിക്കുന്നത് സന്തോഷം നല്‍കുന്ന കാര്യമാണ്. വളര്‍ച്ചയുടെ ഓരോ ഘട്ടത്തിലും മറ്റുള്ളവരില്‍നിന്ന് പരിഹാസവും ആക്ഷേപവും ആവോളം കേട്ടിട്ടുണ്ട്"-ശരത് പറഞ്ഞു. കുഗ്രാമത്തിലെജീവിതത്തിനിടയില്‍ സന്‍ജോതക്കുമുണ്ടായി പല ദുരനുഭവങ്ങളും. ഇന്ത്യയില്‍ ആണുങ്ങളേക്കാള്‍ ഇത്തരം പ്രശ്നങ്ങനെ അതിജീവിക്കാന്‍ സ്ത്രീകള്‍ക്ക് പ്രയാസമാണെന്ന് തന്‍െറ അനുഭവങ്ങളില്‍നിന്ന് അവര്‍ പറയുന്നു.