കൊല്ലം: എ.ടി.എം കാര്ഡ് ഉപയോഗിച്ച് വിവിധ ബാങ്കുകളില് നിന്ന് കോടികള് തട്ടിയെടുത്തതിനെക്കുറിച്ച് റിസര്വ് ബാങ്ക് ് അടക്കം വിവിധ ഏജന്സികള് അന്വേഷണം തുടങ്ങി. തട്ടിപ്പിലൂടെ പണം നഷ്ടമായ വിവിധ ബാങ്കുകളുടെ ഇന്േറണല് വിജിലന്സ് വിഭാഗവും ഇതേക്കുറിച്ച് അന്വേഷിക്കുന്നുണ്ട്.
എ.ടി.എം ടെക്നീഷ്യന്മാരുടെ സഹായത്തോടെയാണ് വിദഗ്ധമായി തട്ടിപ്പ് നടന്നതെന്നാണ് നിഗമനം.
തട്ടിപ്പ് സംഘത്തെ പിടികൂടിയത് കേരളാ പൊലീസാണെങ്കിലും തുടര്ന്നുള്ള അന്വേഷണം രാജ്യത്തിന്െറ വിവിധ സംസ്ഥാനങ്ങളിലാണ് നടത്തേണ്ടത്. അതുകൊണ്ടുതന്നെ കേന്ദ്ര ഏജന്സികളുടെ സഹകരണം ഇതില് ആവശ്യമാണ്. പണം നഷ്ടമായ ബാങ്കുകളില് നിന്ന് പൊലീസ് വിവരങ്ങള് ശേഖരിച്ച് വരികയാണ്. അതേസമയം എ.ടി.എം കൗണ്ടറുകളില് നിന്ന് പുറത്തേക്ക് വരുന്ന പണം എടുത്തില്ളെങ്കില് തിരികെ മെഷീനുള്ളിലേക്ക് പോവുന്ന രീതി നിര്ത്തലാക്കാന് ബാങ്കുകള്ക്ക് റിസര്വ് ബാങ്ക് നിര്ദേശം നല്കിയിട്ടുണ്ട്. തട്ടിപ്പ് നടന്നത് എ.ടി.എം മെഷീനുകളില് നിന്ന് പണം അകത്തേക്ക് പോവുന്ന രീതി പ്രയോജനപ്പെടുത്തി യായതുകൊണ്ടാണ് ഇത്തരത്തില് നിര്ദേശം നല്കിയത്. എ.ടി.എം സംവിധാനത്തിലെ പഴുതുകള് പ്രയോജനപ്പെടുത്തിയുള്ള തട്ടിപ്പുകള് ഒഴിവാക്കുന്നതിനുള്ള ആലോചന വിവിധ ബാങ്കുകള് ആരംഭിച്ചിട്ടുണ്ട്.
അതേസമയം തട്ടിപ്പ് കേസില് കൊല്ലത്ത് പിടിയിലായ രണ്ട് പ്രതികളെ കോടതിയില് ഹാജരാക്കിയ ശേഷം ചോദ്യം ചെയ്യാന് കസ്റ്റഡിയില് വാങ്ങുമെന്ന് പൊലീസ് അറിയിച്ചു.
നിങ്ങളുടെ അഭിപ്രായങ്ങള്