ഹരാരെ (സിംബാബ്വെ): ത്രിരാഷ്ട്ര ട്വന്റി20 ടൂര്‍ണമെന്റില്‍ ദക്ഷിണാഫ്രിക്ക 39 റണ്‍സിന് ബംഗ്ളാദേശിനെ തോല്‍പിച്ചു. ടോസ് നേടി ബാറ്റിങ്ങിനിറങ്ങിയ ആഫ്രിക്കന്‍ പട 20 ഓവറില്‍ മൂന്നു വിക്കറ്റിന് 209 റണ്‍സെടുത്തു. ബംഗ്ളാ നിരയുടെ മറുപടി 20 ഓവറില്‍ എട്ടിന് 170 എന്ന നിലയില്‍ അവസാനിച്ചു. ദക്ഷിണാഫ്രിക്കക്കുവേണ്ടി 53 പന്തില്‍ 88 റണ്‍സടിച്ച് പുറത്താവാതെനിന്ന ക്യാപ്റ്റന്‍ ഹാഷിം ആംലയാണ് കളിയിലെ കേമന്‍. 32 പന്തില്‍ 50 റണ്‍സുമായി പുറത്താവാതെനിന്ന നായകന്‍ മുശ്ഫിഖുര്‍ റഹീമാണ് ടോപ്സ്കോറര്‍.