കൊല്‍ക്കത്ത: ഏഷ്യന്‍ ഗെയിംസിലുള്‍പ്പടെ നിരവധി അന്താരാഷ്ട്ര മത്സര വേദികളില്‍ ഇന്ത്യയെ പ്രതിനിധാനം ചെയ്ത 'വനിതാ' അത്ലറ്റ് പിങ്കി പ്രമാണിക് പുരുഷനെന്ന് തെളിഞ്ഞു; മാനഭംഗ കേസില്‍ അറസ്റ്റിലുമായി. പിങ്കി പ്രമാണിക് സ്ത്രീയല്ലെന്ന് കൊല്‍ക്കത്തയിലെ ബാഗുവാത്തിയിലെ ഒരു യുവതിയാണ് പൊലീസില്‍ പരാതിപ്പെട്ടത്.
വിവാഹ വാഗ്ദാനം നല്‍കി മാസങ്ങളോളം തന്നെ ഒപ്പം പാര്‍പ്പിച്ച പിങ്കി പിന്നീട് വിവാഹത്തില്‍നിന്നും പിന്മാറുകയായിരുന്നുവെന്നും പരാതിയില്‍ പറയുന്നു. പരാതിയുടെ അടിസ്ഥാനത്തില്‍ അറസ്റ്റുചെയ്ത പിങ്കിയെ വൈദ്യ പരിശോധനക്ക് വിധേയമാക്കിയതോടെ ഇയാള്‍ പുരുഷനാണെന്ന് തെളിയുകയും ചെയ്തു. പിങ്കിയെ ഇന്ന് കോടതിയില്‍ ഹാജരാക്കുമെന്ന്് പൊലീസ് വൃത്തങ്ങള്‍ അറിയിച്ചു.
2006ലെ ദോഹ ഏഷ്യന്‍ ഗെയിംസില്‍ 4 ഃ 400 മീറ്റര്‍ റിലേയില്‍ സ്വര്‍ണം നേടിയ ടീമിലും ആ വര്‍ഷത്തെ മെല്‍ബണ്‍ കോമണ്‍വെല്‍ത്ത് ഗെയിംസില്‍ വെള്ളി നേടിയ ടീമിലും അംഗമായിരുന്നു പിങ്കി.
ആ വര്‍ഷംതന്നെ ദക്ഷിണേഷ്യന്‍ ഗെയിംസില്‍ 400 മീറ്ററിലും 800 മീറ്ററിലും സ്വര്‍ണവും പിങ്കി നേടിയിട്ടുണ്ട്. 2009ലാണ് ട്രാക്കിനോട് വിടപറഞ്ഞത്.