ഓസ്ലോ: ലണ്ടന്‍ ഒളിമ്പിക്സിനൊരുങ്ങുന്ന സ്പ്രിന്റ് രാജാവ് ജമൈക്കയുടെ ഉസൈന്‍ ബോള്‍ട്ടിന് മറ്റൊരു ജയം. വ്യാഴാഴ്ച ഓസ്ലോ ഡയമണ്ട് ലീഗ് 100 മീറ്ററില്‍ സ്വര്‍ണം നേടിയ ബോള്‍ട്ട് ഈ വര്‍ഷത്തെ ഏറ്റവും മികച്ച രണ്ടാമത്തെ സമയത്തിനാണ് (9.79 സെക്കന്‍ഡ്) ഫിനിഷ് ചെയ്തത്.
ബോള്‍ട്ടിനെ ഞെട്ടിച്ച് നാട്ടുകാരനായ അസഫ പവല്‍ മുന്നേറിയെങ്കിലും ഫിനിഷിങ് ലൈനിന് 20 മീറ്റര്‍ മാത്രം അകലെവെച്ച് 25കാരന്‍ എതിരാളിയെ മറികടന്നു. രണ്ടാമനായ പവലിന്റെ സമയം 9.85 സെക്കന്‍ഡ് ആയിരുന്നു. ഇതോടെ, ഈ വര്‍ഷത്തെ മികച്ച മൂന്ന് സമയവും ബോള്‍ട്ടിന്റെ പേരിലായി.