താനെ: പ്രധാനമന്ത്രി മന്മോഹന്സിങ്ങിനെതിരായ അഴിമതി ആരോപണത്തില് അണ്ണാ ഹസാരെ വീണ്ടും മലക്കംമറിഞ്ഞു. അഴിമതി ആരോപണത്തില് പ്രധാനമന്ത്രിക്ക് ക്ളീന്ചിറ്റ് നല്കിയ ഹസാരെ യു.പി.എ അധ്യക്ഷ സോണിയ ഗാന്ധിയെ പരോക്ഷമായി കുറ്റപ്പെടുത്താനും മറന്നില്ല.
ലോക്പാല് ബില്ലിനെക്കുറിച്ചുള്ള ബോധവത്കരണത്തിന്റെ ഭാഗമായി താനെയില് നടന്ന റാലിയില് സംസാരിക്കുകയായിരുന്നു ഹസാരെ.
മന്മോഹന്സിങ് സത്യസന്ധനാണെന്നും അദ്ദേഹം അഴിമതി നടത്തിയതായി തെളിവുകളില്ലെന്നും പറഞ്ഞ ഹസാരെ, മന്മോഹന്സിങ് ചില ബാഹ്യശക്തികളുടെ നിയന്ത്രണത്തിലായതുകൊണ്ടാണ് സംശയത്തിന്റെ നിഴലിലായതെന്നും സൂചിപ്പിച്ചു.
പ്രധാനമന്ത്രി മന്മോഹന്സിങ് ഉള്പ്പെടെ 14 കേന്ദ്രമന്ത്രിമാര്ക്കെതിരെ അഴിമതി ആരോപണവുമായി രംഗത്തെത്തിയ ഹസാരെ പിന്നീട് തന്റെ വാദം തിരുത്തുകയായിരുന്നു.
നിങ്ങളുടെ അഭിപ്രായങ്ങള്