മനാമ: നിരവധി വ്യാജ ക്രഡിറ്റ് കാര്‍ഡുകളുമായി യുവാവ് അറസ്റ്റില്‍. ബഹ്റൈന്‍െറയും ഈജിപ്തിന്‍െറയും 33 വ്യാജ ക്രെഡിറ്റ് കാര്‍ഡുകളുമായാണ് ഇയാള്‍ അറസ്റ്റിലായതെന്ന് ആന്‍റി കറപ്ഷന്‍ ഡയറക്ടര്‍ ജനറല്‍ വ്യക്തമാക്കി.
സമീപ കാലത്ത് നിരവധി പരാതികള്‍ ഉയര്‍ന്ന സാഹചര്യത്തില്‍ ഈജ്പ്തിന്‍െറ ക്രെഡിറ്റ് കാര്‍ഡുകള്‍ ഉപയോഗിക്കരുതെന്ന് ബാങ്കുകള്‍ ഉപഭോക്താക്കള്‍ക്ക് നിര്‍ദേശം നല്‍കിയിരുന്നു. ഇതിന്‍െറ അടിസ്ഥാനത്തില്‍ പ്രത്യേക അന്വേഷണ സംഘത്തെയും നിയോഗിച്ചിരുന്നു. അങ്ങനെയാണ് ഇയാള്‍ വലയിലായത്. പ്രതിയെ പിന്നീട് പബ്ളിക് പ്രോസിക്യൂഷന് കൈമാറി. ഇയാള്‍ നല്‍കിയ വിവരമനുസരിച്ച് മറ്റൊരു പ്രതിക്കുവേണ്ടി അന്വേഷണം ഊര്‍ജിതമാക്കിയിട്ടുണ്ട്.