ബ്രസല്‍സ്: ഇന്ത്യയുടെ സാനിയ മിര്‍സയും അമേരിക്കക്കാരി ബെതനീ മറ്റേക് സാന്‍ഡ്സും ചേര്‍ന്ന സഖ്യം ബ്രസല്‍സ് ഓപണ്‍ ഡബ്ള്‍സ് കിരീടം സ്വന്തമാക്കി. ശനിയാഴ്ച നടന്ന ഫൈനലില്‍ യീ ഴെങ് (ചൈന)-അലിക്ജ റോസോള്‍സ്ക (പോളണ്ട്) കൂട്ടിനെയാണ് അവര്‍ കെട്ടുകെട്ടിച്ചത്. സ്കോര്‍: 6-3, 6-2. ഹൈദരാബാദുകാരിയുടെ 14ാം അന്താരാഷ്ട്ര കിരീടമാണിത്. ഫ്രഞ്ച് ഓപണിലും സാനിയ-ബെതനീ സഖ്യം രംഗത്തുണ്ട്.
പോളണ്ടിന്റെ അഗ്നേയസ്ക റഡ്വാന്‍സ്കക്കാണ് സിംഗ്ള്‍സ് കിരീടം. കലാശക്കളിയില്‍ റഡ്വാന്‍സ്ക റുമാനിയയുടെ സിമൊന ഹാലെപ്പിനെ 7-5, 6-0ത്തിന് വീഴ്ത്തി.