ബ്രസല്‍സ്: ഇന്ത്യന്‍ ടെന്നിസ് താരം സാനിയാ മിര്‍സ പ്രഫഷനല്‍ കരിയറിലെ 500ാം ജയം സ്വന്തമാക്കി. ഇതോടെ, ബ്രസല്‍സ് ഓപണില്‍ സാനിയയും അമേരിക്കയുടെ ബെതാനീ മറ്റേക് സാന്‍ഡ്സും ചേര്‍ന്ന സഖ്യം വനിതാ ഡബ്ള്‍സ് ക്വാര്‍ട്ടര്‍ ഫൈനലിലുമെത്തി. ബോസ്നിയ-ഓസ്ട്രിയ ജോഡിയായ മെര്‍വാന ജൂഗിക് സാല്‍കിക്-സാന്ദ്ര കെ്ളമന്‍സ്ചിറ്റ്സ് കൂട്ടിനെ 6-4, 6-2 എന്ന സ്കോറിനാണ് ഇവര്‍ കീഴടക്കിയത്. അതേസമയം, സിംഗ്ള്‍സില്‍ റുമാനിയയുടെ മോണിക്ക നിക്കൂലെസ്കൂവിനോട് തോറ്റ് സാനിയ ആദ്യ റൗണ്ടില്‍ത്തന്നെ പുറത്തായി. സ്കോര്‍: 1-6, 5-7.