ന്യൂദല്‍ഹി: ഇന്ത്യന്‍ ടെന്നീസിലെ യുവപ്രതിഭ യുകി ഭാംബ്രിക്ക് ആദ്യ എ.ടി.പി സിംഗിള്‍സ് കിരീടം. ഉസ്ബെക്കിസ്ഥാനില്‍ നടന്ന ടൂര്‍ണമെന്റില്‍ ഇസ്രായേലിന്റെ നാലാം സീഡ് അമിര്‍ വെയ്ന്‍ട്രോബിനെ നേരിട്ടുള്ള സെറ്റുകള്‍ക്ക് തോല്‍പിച്ചാണ് ഇന്ത്യന്‍ താരം കന്നിക്കിരീടം നേടിയത്. സ്കോര്‍: 6-3, 6-3.
ലോക റാങ്കിങില്‍ 297ാം സ്ഥാനത്തുള്ള യുകി ഒരു മണിക്കൂറും 20 മിനിറ്റും നീണ്ട പോരാട്ടത്തിനൊടുവിലാണ് 185ാം റാങ്കുകാരനായ എതിരാളിയെ കീഴടക്കിയത്. ഈ ജയത്തോടെ യുകി ഭാംബ്രിയുടെ റാങ്കിങ് 220 ആയി ഉയരും. കഴിഞ്ഞയാഴ്ച യുകി ദിവിജ് ശരണിനൊപ്പം തന്റെ ആദ്യ എ.ടി.പി ഡബിള്‍സ് കിരീടം നേടിയിരുന്നു.