ന്യൂദല്ഹി: പുതിയ പ്രത്യക്ഷ നികുതി നിയമത്തില് പാര്ലമെന്ററി സമിതി നിര്ദേശിക്കുന്ന ഭേദഗതികള് ഭൂരിഭാഗവും അംഗീകരിക്കുമെന്ന് കേന്ദ്ര ധനമന്ത്രി പ്രണബ് കുമാര് മുഖര്ജി. 2012-13 സാമ്പത്തിക വര്ഷം മുതല് നിലവില് വരുമെന്ന് കരുതുന്ന പുതിയ നിയമം ഭവന വായ്പാ തിരിച്ചടവ് തുകയ്ക്കുന്ന നികുതി കിഴിവ് ഉള്പ്പെടെ ഒഴിവാക്കിയിരുന്നു. ഈ സാഹചര്യത്തില് ധനമന്ത്രിയുടെ പ്രസ്താവന നികുതിദായകര്ക്ക് ഏറെ ആശ്വാസമാണ് നല്കുന്നത്.
പാര്ലമെന്റിന്റെ നടപ്പ് സമ്മേളനത്തില് പുതിയ പ്രത്യക്ഷ നികുതി നിയമം അംഗീകാരത്തിനായി കൊണ്ടുവന്നിട്ടുണ്ട്. ബി.ജെ.പി നേതാവ് യശ്വന്ത് സിന്ഹയുടെ നേതൃത്വത്തിലുള്ള പാര്ലമെന്ററി സമിതി ആദായ നികുതി കിഴിവ് പരിധി നിലവിലെ രണ്ട് ലക്ഷത്തില് നിന്ന് മൂന്നു ലക്ഷമാക്കണമെന്ന് ശിപാര്ശ ചെയ്തതിനു പുറമെ സ്ലാബുകള് ഉയര്ത്തണമെന്നും നിര്ദേശിച്ചിരുന്നു.
നിങ്ങളുടെ അഭിപ്രായങ്ങള്