തെഹ്റാന്: ഇസ്രായേല് ചാരനെ ഇറാന് തൂക്കിലേറ്റി. ഇറാന് ആണവ ശാസ്ത്രജ്ഞന് മസ്ഊദ് അലി മുഹമ്മദിയുടെ കൊലപാതകത്തില് കുറ്റവാളിയെന്ന് കണ്ടെത്തിയ മാജിദ് ജമാലി ഫാഷി എന്ന 24കാരനെയാണ് ഇറാന് വധശിക്ഷക്ക് വിധേയനാക്കിയത്. 2010 ജനുവരിയില് വീടിനു പുറത്തുവെച്ചുണ്ടായ സ്ഫോടനത്തിലാണ് മസ്ഊദ് അലി കൊല്ലപ്പെട്ടത്.
ഇസ്രായേല് രഹസ്യാന്വേഷണ ഏജന്സിയായ മൊസാദിന്െറ ചാരനാണ് ഫാഷി. കൊലപാതകം നടത്താനായി 1,20,000 ഡോളര് അദ്ദേഹം കൈപ്പറ്റിയെന്നും ഇറാന് ആരോപിക്കുന്നു.
തെഹ്റാന് സര്വകലാശാലയിലെ ഭൗതികശാസ്ത്രം പ്രഫസറാണ് മസ്ഊദ് അലി. അമേരിക്കയും ഇസ്രായേലും ചേര്ന്ന് തങ്ങളുടെ ആണവ പരിപാടികള് തടസ്സപ്പെടുത്തുകയാണെന്ന് ഇറാന് ആരോപിക്കുന്നു.
നിങ്ങളുടെ അഭിപ്രായങ്ങള്