മനാമ: ബഹ്റൈന് ഭരണകൂടത്തിനെതിരായ അട്ടിമറി പ്രവര്ത്തനങ്ങളില് പങ്കാളികളായതിന് ശിക്ഷിക്കപ്പെട്ട 21 പേരുടെ കേസ് പുനര്വിചാരണ നടത്താന് സുപ്രീംകോടതിയുടെ ഉത്തരവ്. അല്ഹര് യൂസുഫ് മുഹമ്മദ് അല് ഷുമൈകിന്റെ ശിക്ഷ കാലാവധി രണ്ട് വര്ഷത്തില്നിന്ന് ആറു മാസമായി ചുരുക്കാനും കോടതി നിര്ദേശിച്ചു. 2011 മാര്ച്ചില് നടന്ന അക്രമ സംഭവങ്ങളെ തുടര്ന്ന് അറസ്റ്റിലാവുകയും ശിക്ഷിക്കപ്പെടുകയും ചെയ്ത ശിയാ വിഭാഗത്തിലെ പ്രക്ഷോഭകരുടെ നേതാവ് അബ്ദുല് ഹാദി അബ്ദുല്ല അല്ഖാജ ഉള്പ്പെടെയുള്ളവരുടെ ശിക്ഷയാണ് സിവില് കോടതിയില് പുനര്വിചാരണ നടത്തുക.
അന്യായമായ തടങ്കല് അവസാനിപ്പിച്ച് മോചനം സാധ്യമാക്കണമെന്നാവശ്യപ്പെട്ട് രണ്ട് മാസത്തോളമായി ജയിലില് നിരാഹാരം അനുഷ്ഠിച്ചു വരുന്ന അബ്ദുല്ല അല്ഖാജയുടെ ആരോഗ്യ നില വഷളായതിനെ തുടര്ന്ന് ഇപ്പോള് ആശുപത്രിയില് ചികിത്സയിലാണ്. ഇദ്ദേഹത്തെയും മറ്റ് തടവുകാരെയും മോചിപ്പിക്കണമെന്നാവശ്യപ്പെട്ട് ശിയ വിഭാഗം പ്രക്ഷോഭം നടത്തുന്നുണ്ട്.
നിങ്ങളുടെ അഭിപ്രായങ്ങള്