12:30:26
28 Nov 2014
Friday
Facebook
Google Plus
Twitter
Rssfeed

ചികിത്സാ ചെലവ് കുതിക്കുന്നു

ചികിത്സാ ചെലവ് കുതിക്കുന്നു

തിരുവനന്തപുരം: ഒരു ലോകാരോഗ്യദിനം കടന്നുപോകുമ്പോള്‍ കേരളത്തിന്റെ ആരോഗ്യ മേഖല കൂടുതല്‍ സങ്കീര്‍ണതകളിലേക്ക്. പകര്‍ച്ച വ്യാധികളുടെയും ജീവിതശൈലീ രോഗങ്ങളുടെയും നാടായി കേരളം മാറിയിരിക്കുകയാണ്. ചികിത്സാ ചെലവാകട്ടെ പതിന്മടങ്ങ് വര്‍ധിച്ചു. സര്‍ക്കാര്‍- സ്വകാര്യമേഖലകളില്‍ മെഡിക്കല്‍ കോളജുകളും പാരാമെഡിക്കല്‍ സ്ഥാപനങ്ങളും വര്‍ധിച്ചിട്ടും സാധാരണക്കാരന് താങ്ങാവുന്നതിനപ്പുറം ചികിത്സാചെലവ് കൂടിയിരിക്കുകയാണ്. മരുന്നുകളുടെ വിലയും പരിശോധനാ നിരക്കും ദിനംപ്രതി കുതിക്കുകയാണ്.ഇതിനിടെയാണ് പാവപ്പെട്ടവര്‍ക്കും സാധാരണക്കാരനും ഗുണമേന്മയുള്ള ചികിത്സ ഒരുക്കാന്‍ ലക്ഷ്യമിട്ട് നടപ്പാക്കിയ നാഷനല്‍ റൂറല്‍ ഹെല്‍ത്ത് മിഷന്റെ (എന്‍.ആര്‍.എച്ച്.എം) 300 കോടിരൂപ സംസ്ഥാനം ലാപ്സാക്കിയത്. അഞ്ചുവര്‍ഷത്തേക്ക് നടപ്പാക്കിയ എന്‍.ആര്‍.എച്ച്.എം പദ്ധതി കഴിഞ്ഞ മാര്‍ച്ച് 31 ഓടെ അവസാനിച്ചു. സംസ്ഥാനത്തിന് ഇതുവരെ സ്വന്തമായി ഒരു ആരോഗ്യ നയം നടപ്പാക്കാന്‍ കഴിയാത്തത് തിരിച്ചടിയായിട്ടുണ്ട്. കേന്ദ്ര സര്‍ക്കാറിന്റെ ആരോഗ്യനയത്തെ അടിസ്ഥാനമാക്കി മറ്റ് പല സംസ്ഥാനങ്ങളും സ്വന്തമായി ആരോഗ്യ നയം നടപ്പാക്കിയിട്ടുണ്ട്. മെഡിക്കല്‍ സര്‍വകലാശാലയുടെ പ്രോജക്ട് റിപ്പോര്‍ട്ടില്‍ ഡോ. ഇക്ബാല്‍കമ്മിറ്റി ശിപാര്‍ശ ചെയ്യുന്നതും പ്രധാനമായി കേരളത്തിന് പ്രത്യേകമായി ഒരു ആരാഗ്യ നയം വേണമെന്നാണ്. പക്ഷേ, അതിനെക്കുറിച്ച് 2003ന് ശേഷം ഒരു നീക്കവുമുണ്ടായില്ല. യു.ഡി.എഫ് സര്‍ക്കാറിന്റെ ആദ്യ ബജറ്റിലും രണ്ടാമത്തെ ബജറ്റിലുമായി അഞ്ച് പുതിയ മെഡിക്കല്‍കോളജുകളാണ് പ്രഖ്യാപിച്ചിട്ടുള്ളത്. കൂടാതെ പൊതു- സ്വകാര്യ സംരംഭത്തോടെ ഹരിപ്പാട്, പാലക്കാട്, കൊല്ലം എന്നിവിടങ്ങളിലും മെഡിക്കല്‍കോളജുകള്‍ പ്രഖ്യാപിച്ചിട്ടുണ്ട്.
അഞ്ച് സര്‍ക്കാര്‍ മെഡിക്കല്‍കോളജുകളും 18ഓളം സ്വശ്രയ മെഡിക്കല്‍ കോളജുകളും ഉള്ളപ്പോള്‍ തന്നെ രോഗികള്‍ക്ക് താങ്ങാവുന്നതിനപ്പുറം ചികിത്സാചെലവ് വര്‍ധിച്ചിരിക്കുയാണ്.


നിങ്ങളുടെ അഭിപ്രായങ്ങള്‍

ഇവിടെ കൊടുക്കുന്ന അഭിപ്രായങ്ങള്‍ മാധ്യമത്തിന്റെ അഭിപ്രായമാവണമെന്നില്ല.
Please Note:
അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.
comments powered by Disqus