ബിര്‍മിങ്ഹാം: ഇന്ത്യന്‍ താരം സൈന നെഹ്വാള്‍ ഓള്‍ ഇംഗ്ളണ്ട് ബാഡ്മിന്‍റന്‍ ചാമ്പ്യന്‍ഷിപ്പിന്‍െറ വനിതാ സിംഗ്ള്‍സില്‍ ക്വാര്‍ട്ടര്‍ ഫൈനലില്‍ തോറ്റുപുറത്തായി. ചൈനയുടെ ലി സുവെറൂയിയാണ് നേരിട്ടുള്ള സെറ്റുകള്‍ക്ക് സൈനയെ കീഴടക്കിയത്. സ്കോര്‍: 23-12, 23-21. ആദ്യ ഗെയിമില്‍ എതിരാളിക്കു മുന്നില്‍ തീര്‍ത്തും നിറംമങ്ങിയ സൈന രണ്ടാം ഗെയിമില്‍ തിരിച്ചുവരവിന് ശ്രമിച്ചെങ്കിലും നടന്നില്ല. നേരത്തേ, ഫ്രാന്‍സിന്‍െറ പി ഹോങ്യാനെ 10-21, 17-21ന് തകര്‍ത്താണ് സൈന ക്വാര്‍ട്ടറിലെത്തിയത്.
നേരത്തെ ഡബ്ള്‍സില്‍ ഇന്ത്യയുടെ ജ്വാല ഗുട്ട-അശ്വിനി പൊന്നപ്പ ജോടി ചൈനയുടെ രണ്ടാം സീഡായ ക്വിങ് ടിയാന്‍-യുന്‍ലീ ഷാവോ സഖ്യത്തോട് 10-21, 15-21ന് തോറ്റുപുറത്തായിരുന്നു.