ഇതരഭാഷ ഗായികമാരെ തള്ളിപ്പറഞ്ഞിട്ടില്ല –ചിത്ര
text_fieldsകൊച്ചി: ശ്രേയ ഘോഷാൽ ഉൾപ്പെടെ ഇതര ഭാഷകളിൽനിന്നുള്ള ഗായികമാരെ താൻ ഒരിക്കലും തള്ളിപ്പറഞ്ഞിട്ടില്ലെന്ന് ഗായിക കെ.എസ്. ചിത്ര. താൻ പറഞ്ഞ കാര്യങ്ങളെ വളച്ചൊടിച്ചാണ് ചിലർ വിവാദമുണ്ടാക്കിയത്. േശ്രയ ഘോഷാലിനെപോലെ കഴിവുള്ള ഗായികമാർക്ക് മലയാളത്തിൽ കൂടുതൽ അവസരം കിട്ടുന്നതിൽ സന്തോഷമേയുള്ളൂ.
അവരുടെ നല്ല പാട്ടുകൾ കേൾക്കുേമ്പാഴും അവാർഡുകൾ ലഭിക്കുേമ്പാഴും നേരിട്ട് അഭിനന്ദനം അറിയിക്കാറുമുണ്ട്. മലയാളി ഗായികമാരെ തഴയരുതെന്ന് മാത്രമാണ് താൻ പറഞ്ഞത്.
റോയൽറ്റിയുടെ വിഷയത്തിൽ ചർച്ചകൾ ഇപ്പോഴും നടക്കുന്നുണ്ട്. സംഗീതസംവിധായകനെയും ഗാനരചയിതാവിനെയുംപോലെ പാടുന്നയാൾക്കും റോയൽറ്റിക്ക് അർഹതയുണ്ടെന്നാണ് അഭിപ്രായം. കൊച്ചിയിൽ ശനിയാഴ്ച നടക്കുന്ന സംഗീതനിശയിൽ താൻ ഇളയരാജയുടെ പാട്ടുകൾ പാടുന്നുണ്ടെന്നും പരിപാടിയെക്കുറിച്ച് വിശദീകരിക്കാൻ നടത്തിയ വാർത്തസമ്മേളനത്തിൽ ചിത്ര അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.