മോഹനവീണയുമായി ഒഴുകി

പോ​ളി വ​ർ‍ഗീ​സ് (ഫോ​ട്ടോ: മു​ജീ​ബ് മാ​ട​ക്ക​ര)

നാ​ൽപ​ത്തി​നാ​ലു രാ​ജ്യ​ങ്ങ​ളി​ലാ​യി ആ​യി​ര​ത്തി​ല​ധികം പ​രി​പാ​ടി​ക​ള്‍ അ​വ​ത​രി​പ്പി​ച്ച മ​ല​യാ​ളി​യാ​യ ക​ലാ​കാ​ര​ന്‍ കേ​ര​ള​ത്തി​ന് അ​ന്യ​നാ​ണ്. ലോ​കം മു​ഴു​വ​നും ആ​രാ​ധ​ക​രു​ണ്ടെ​ങ്കി​ലും പി​റ​ന്ന നാ​ട്ടി​ല്‍ പോ​ളി വ​ര്‍ഗീ​സ് എ​ന്ന മോ​ഹ​ന​വീ​ണ​യു​ടെ ത​മ്പു​രാ​ന്‍ അ​റി​യ​പ്പെ​ടാ​തെപോ​യി. ജ​ന​നം മു​ത​ല്‍ 20 വ​ര്‍ഷം തൃ​ശൂ​രി​ല്‍ ജീ​വി​ച്ചശേ​ഷം പോ​ളി യാ​ത്രതു​ട​ങ്ങി​യ​താ​ണ്. ഭാ​ഷ​ക​ള്‍ക്കും ദേ​ശ​ങ്ങ​ള്‍ക്കു​മ​പ്പു​റ​ത്തേ​ക്ക് സ​ഞ്ച​രി​ക്കു​ന്ന സം​ഗീ​തംപോ​ലെ ഈ ​സം​ഗീ​ത​ജ്​ഞ​​െൻറ​യും ജീ​വി​തം ഭാ​ഷ​^ദേ​ശാ​ന്ത​ര​ങ്ങ​ള്‍ക്ക​പ്പു​റ​ത്തേ​ക്ക് പ​റ​ന്നു. ഇ​തി​നി​ട​യ​ി​ലെ​പ്പോ​േ​ഴാ ജ​നി​ച്ച നാ​ടും വീ​ടു​മെ​ല്ലാം മാ​ഞ്ഞുപോ​യി.

മൃ​ദം​ഗം വാ​യ​ന​യി​ല്‍ തു​ട​ങ്ങി​യ സം​ഗീ​താ​ഭ്യാ​സം മോ​ഹ​ന​വീ​ണ​യു​ടെ അ​ത്യു​ന്ന​ത ത​ല​ങ്ങ​ളി​ലേ​ക്കെ​ത്തി​ച്ചു. ക​ര്‍ണാ​ട്ടിക് സം​ഗീ​ത​വും ഹി​ന്ദു​സ്ഥാ​നി സം​ഗീ​ത​വും അ​റി​യു​ന്ന, മോ​ഹ​നവീ​ണ വാ​യി​ക്കു​ന്ന ലോ​ക​ത്തി​ലെ ഏ​ക വ്യ​ക്തി​യാ​യി പോ​ളി മാ​റി. ക​ലാ​മ​ണ്ഡ​ല​ത്തി​ല്‍നി​ന്ന്​ മൃ​ദം​ഗം പ​ഠി​ച്ചശേ​ഷം കൊ​ല്‍ക്ക​ത്തയിലേ​ക്ക് വ​ണ്ടിക​യ​റി​യ പോ​ളി​യെ പ​ലഘ​ട്ട​ങ്ങ​ളി​ലും കു​ടും​ബ​ക്കാ​ര്‍ത​ന്നെ മ​റ​ന്നുപോ​യി. കേ​ര​ളം എ​ന്ന സ്വ​ത്വബോ​ധ​ത്തി​ല്‍നി​ന്ന്​ പോ​ളി പു​റ​ത്തി​റ​ങ്ങി. അ​തി​നാ​ല്‍ നാ​ട്ടി​ല്‍ അ​റി​യ​പ്പെ​ടു​ക​യോ അ​റി​യ​പ്പെ​ടാ​തി​രി​ക്കു​ക​യോ ഇ​ദ്ദേ​ഹ​ത്തെ സം​ബ​ന്ധി​ക്കു​ന്ന കാ​ര്യ​വു​മ​ല്ല. ച​ട്ട​ക്കൂ​ടു​ക​ള്‍ ത​ക​ര്‍ത്ത്, ഒ​ന്നി​ല്‍നി​ന്ന് മ​റ്റൊ​ന്നി​ലേ​ക്ക് രൂ​പാ​ന്ത​രം തേ​ടു​ന്ന സം​ഗീ​തംപോ​ലെ ജീ​വി​ത​ത്തെ​യും രൂ​പാ​ന്ത​ര​ങ്ങ​ള്‍ക്ക് പോ​ളി വി​ധേ​യ​മാ​ക്കി.

poli varghese

പൊ​തു​വെ അ​റി​യ​പ്പെ​ടു​ന്ന​ത് മോ​ഹ​ന​വീ​ണ​ക്കാ​ര​നെ​ന്നാ​ണെ​ങ്കി​ലും ഉ​ത്ത​രേ​ന്ത്യ​യി​ല്‍ പോ​ളി ഓ​രോ സ്ഥ​ല​ത്തും ഓ​രോ വ്യ​ക്തി​യാ​ണ്. കൊ​ല്‍ക്ക​ത്തയി​ലെ ചു​വ​ന്ന തെ​രു​വി​ലെ ആ​ളു​ക​ള്‍ പോ​ളി​യെ അ​റി​യു​ന്ന​ത് മൃ​ദം​ഗം വാ​യ​ന​ക്കാ​ര​നാ​യാ​ണ്. മ​റ്റൊ​രി​ട​ത്ത് ചു​ട​ല​ കാ​വ​ല്‍ക്കാ​ര​നാ​ണ്. അ​തി​ര്‍ത്തി​ക​ള്‍ ബാ​ധ​ക​മ​ല്ലാ​തെ ജീ​വി​ക്കു​ന്ന ബാ​വു​ല്‍ സം​ഗീ​താ​ലാ​പ​ക​രു​ടെ കൂ​ടെ ചേ​ര്‍ന്ന് ഇ​ന്ത്യ​യി​ലെ പ​ല ഭാ​ഗ​ങ്ങ​ളി​ലും അ​ല​ഞ്ഞുന​ട​ന്ന നാ​ടോ​ടി​യാ​യി​രു​ന്നു പോ​ളി. ഝാ​ര്‍ഖ​ണ്ഡി​ലെ പൊ​ലീ​സു​കാ​ര്‍ക്ക് പോ​ളി മാ​വോ​വാദിയായി​രു​ന്നു. ആ​ത്മീ​യ​ത​യു​ടെ അ​ത്യു​ന്ന​ത​ങ്ങ​ള്‍ തേ​ടി കു​റേ​ക്കാ​ലം സൂ​ഫി​സം​ഗീ​ത​വു​മാ​യി ഇ​ഴു​കിച്ചേ​ര്‍ന്ന് ജീ​വി​ച്ചു. ഒ​രു ന​ദി ഒ​രു​പാ​ടി​ട​ങ്ങ​ളി​ലൂ​ടെ ഒ​ഴു​കു​ന്ന​തു​പോ​ലെ പോ​ളി എ​ന്ന ക​ലാ​കാ​ര​നും ഒ​ഴു​കി​ക്കൊ​ണ്ടേ​യി​രി​ക്കു​ന്നു.  

മൃ​ദം​ഗം പ​ഠി​പ്പി​ക്കു​ന്ന ആ​ശാ​​െൻറ വീ​ട്ടി​ലെ ബ്ലാ​ക്​ ആ​ന്‍ഡ് വൈ​റ്റ് ടി​.വി​യി​ല്‍ വി​ശ്വ​മോ​ഹ​ന്‍ ഭ​ട്ട് മോ​ഹ​നവീ​ണ വാ​യി​ക്കു​ന്നതു ക​ണ്ട അ​ന്ന് പോ​ളി തീ​രു​മാ​നി​ച്ചു, അ​ദ്ദേ​ഹ​ത്തെ കാ​ണ​ണ​മെ​ന്നും മോ​ഹ​നവീ​ണ പ​ഠി​ക്ക​ണ​മെ​ന്നും. വി​ശ്വ​മോ​ഹ​ന്‍ ഭ​ട്ടി​ന് നി​ര​ന്ത​രം ക​ത്തു​ക​ള​യ​ച്ചെ​ങ്കി​ലും ഫ​ല​മു​ണ്ടാ​യി​ല്ല. ഒ​ടു​വി​ല്‍ കൊൽക്കത്തയി​ല്‍ ശാ​ന്തിനി​കേ​ത​നി​ല്‍ വി​ശ്വ​മോ​ഹ​ന്‍ ഭ​ട്ട് വ​ന്ന​പ്പോ​ള്‍ ഇ​ല​ക്ട്രി​ക് ഗി​ത്താറി​ല്‍ ഹി​ന്ദു​സ്ഥാ​നി സം​ഗീ​തം വാ​യി​ക്കു​ന്ന പോ​ളി​യെ ക​ണ്ടു. അ​ക്കാ​ല​ത്ത് ഇ​ല​ക്ട്രി​ക് ഗി​ത്താ​റി​ല്‍ ഹി​ന്ദു​സ്ഥാ​നി വാ​യി​ക്കു​ന്ന​ത് പോ​ളി മാ​ത്ര​മാ​യി​രു​ന്നു. ഒ​ടു​വി​ല്‍ മോ​ഹ​ന്‍ ഭ​ട്ട് രാ​ജ​സ്ഥാ​നി​ലേ​ക്ക് വ​ണ്ടിക​യ​റി​ക്കൊ​ള്ളാ​ന്‍ പോ​ളി​യോ​ട് പ​റ​ഞ്ഞു. രാ​ജ​സ്ഥാ​നി​ലെ​ത്തി​യ പോ​ളി ആ​റു വ​ര്‍ഷ​ത്തോ​ളം മോ​ഹ​ന​വീ​ണ​യി​ല്‍ ജീ​വി​തം സ​മ​ര്‍പ്പി​ച്ചു.

poli varghese

ഹി​ന്ദു​സ്ഥാ​നി സം​ഗീ​തം മാ​ത്രം വാ​യി​ച്ചി​രു​ന്ന 20 സ്ട്രി​ങ് ഉ​ണ്ടാ​യി​രു​ന്ന മോ​ഹ​നവീ​ണ​യി​ല്‍ ര​ണ്ടു സ്ട്രി​ങ് കൂ​ടി ഉ​ള്‍പ്പെ​ടു​ത്തി​യ​തോ​ടെ ക​ര്‍ണാ​ട്ടി​ക് സം​ഗീ​ത​വും വാ​യി​ക്കാ​മെ​ന്ന് പോ​ളി തെ​ളി​യി​ച്ചു. വി​ശ്വ​മോ​ഹ​ന്‍ ഭ​ട്ട് ഉ​പ​യോ​ഗി​ക്കു​ന്ന വീ​ണ​യി​ലും ഇ​പ്പോ​ള്‍ 22 സ്ട്രി​ങ്ങുക​ളാ​ണു​ള്ള​ത്. മ​റ്റ് സം​ഗീ​തോ​പ​ക​ര​ണ​ങ്ങ​ളി​ലും പ്രാ​വീ​ണ്യ​മു​ണ്ടെ​ങ്കി​ലും മോ​ഹ​നവീ​ണ​യാ​ണ് പോ​ളി​യു​ടെ ജീ​വി​തം. എ​വി​ടെ പോ​യാ​ലും വീ​ണ കൈയി​ലു​ണ്ടാ​കും. എ​വി​ടെവെ​ച്ചും പോ​ളി വീ​ണ വാ​യി​ക്കും. അ​തി​ന് സ്‌​റ്റേ​ജ് അ​റേ​ഞ്ച്​​മെ​​േൻറാ കാ​ണി​ക​ളോ ആ​സ്വാ​ദ​ക​രോ ആ​വ​ശ്യ​മി​ല്ല. പ​ണ​ത്തി​നു വേ​ണ്ടി​യ​ല്ല പോ​ളി മോ​ഹ​ന​വീ​ണ വാ​യി​ക്കു​ന്ന​ത്. അ​തു​കൊ​ണ്ടാ​ണ് താ​ന്‍ ബ്രാ​ന്‍ഡ് ചെ​യ്യ​പ്പെ​ടാ​ത്ത​തെ​ന്നും കേ​ര​ള​ത്തി​ല്‍ അ​റി​യ​പ്പെ​ടാ​തെപോ​യ​തെ​ന്നും പോ​ളി പ​റ​യു​ന്നു. ഉ​പ​ഭോ​ഗ സം​സ്‌​കാ​ര​ത്തി​​​െൻറ നാ​ടാ​യ കേ​ര​ള​ത്തി​ല്‍ പ​ണ​ത്തി​​​െൻറ തൂ​ക്കം നോ​ക്കി​യാ​ണ് ക​ല​ാകാ​ര​ന്മാരു​ടെ നി​ല​നി​ൽപെ​ന്ന അ​ഭി​പ്രാ​യ​ക്കാ​ര​നാ​ണ് പോ​ളി. 

സി​നി​മ​യി​ല്‍ അ​ഭി​ന​യി​ച്ചാ​ല്‍ മാ​ത്രം അം​ഗീ​ക​രി​ക്ക​പ്പെ​ടു​ന്ന ഒ​രു സം​സ്‌​കാ​ര​മാ​ണ് ന​മ്മു​ടെ നാ​ട്ടി​ലേ​ത്. അ​തി​നാ​ല്‍ പ​ല ക​ലാ​ക​ാര​ന്മാര്‍ക്കും കേ​ര​ള​ത്തി​ല്‍ സ്ഥാ​ന​മി​ല്ലാ​താ​കു​ന്നു. ഹി​ന്ദുസ്ഥാ​നി സം​ഗീ​ത​ത്തെ ഏ​റെ സ്‌​നേ​ഹി​ക്കു​ന്ന കോ​ഴി​ക്കോ​ട്ടു​കാ​ര്‍പോ​ലും പോ​ളി​യെ അ​റി​യാ​തെപോ​യി. കേ​ര​ള​ത്തി​ല്‍ നാ​ലു ത​വ​ണ മാ​ത്ര​മാ​ണ് പോ​ളി​ക്ക് പ​രി​പാ​ടി​ക​ള്‍ അ​വ​ത​രി​പ്പി​ക്കാ​ന്‍ സാ​ധി​ച്ച​ത്. സൗ​ജ​ന്യ​മാ​യും ല​ക്ഷ​ങ്ങ​ള്‍ വാ​ങ്ങി​യും പോ​ളി പ​രി​പാ​ടി ചെ​യ്യാ​റു​ണ്ട്. എ​ന്നാ​ല്‍, സൗ​ജ​ന്യ​മാ​യി ചെ​യ്യു​ന്ന പ​രി​പാ​ടി​യാ​യി​രി​ക്കും ചി​ല​പ്പോ​ള്‍ പ​ണം വാ​ങ്ങി ചെ​യ്യു​ന്ന​തി​നെ​ക്കാ​ള്‍ ന​ന്നാ​കു​ന്ന​തെ​ന്ന് പോ​ളി പ​റ​യു​ന്നു. സം​ഗീ​ത​ത്തെ സം​ബ​ന്ധി​ച്ചി​ട​ത്തോ​ളം പ​ണം ഒ​രി​ക്ക​ലും ഒ​രു മാ​ന​ദ​ണ്ഡ​മ​ല്ല. വ​യ​നാ​ട്ടി​ലെ സാ​ധാ​ര​ണ​ക്കാ​രാ​യ ആ​ളു​ക​ളു​ടെ കൂ​ടെ കു​റ​ച്ചു നാ​ള്‍ സം​ഗീ​ത​വും ക​വി​ത​ക​ളു​മാ​യി ക​ഴി​ച്ചു​കൂ​ട്ടി​യ പോ​ളി അ​ടു​ത്ത പ​രി​പാ​ടി​ക്കാ​യി ഗ്ലാ​സ്‌​ഗോ​യി​ലേ​ക്ക് പ​റ​ന്നു. 

COMMENTS