You are here

ആദിയുടെ വിഷാദവും കുതിച്ചു ചാട്ടവും... Review

aadi

സിനിമയില്ലാതെ ജീവിതമില്ല എന്നതും സിനിമ ചെയ്യാതെ ജീവിക്കാൻ സമ്മതിക്കില്ല എന്നതും തീർത്തും വ്യത്യസ്​ഥമായ രണ്ടവസ്​ഥകളാണ്​. നമ്മുടെ പഴയകാല അഭിനേതാക്കളിൽ ഭൂരിഭാഗവും ആദ്യം പറഞ്ഞ വിഭാഗത്തിൽപെടുന്നവരാണ്​. പുതിയ തലമുറയിലെ ചിലരെങ്കിലും രണ്ടാമത്തെ വിഭാഗത്തിൽപ്പെടും. നടന്‍റേയോ നടിയുടേയോ മക്കളെന്നത്​ സിനിമയിലെത്താനുള്ള മുന്നവകാശമായി അടുത്ത കാലത്ത്​ മാറിയിട്ടുണ്ട്​. മലയാളത്തിലെ ഏറെ സ്​നേഹിക്കപ്പെടുന്ന താരമായ മോഹൻലാലിന്‍റെ മകൻ ആദ്യമായി അഭിനയിക്കുന്ന സിനിമയാണ്​ ആദി. സിനിമയുടെ നിർമാണവും വിതരണവുമെല്ലാം അച്ഛ​ന്‍റേതാകു​േമ്പാൾ പ്രേക്ഷകർക്കും ചില മുൻ ധാരണകൾ രൂപപ്പെ​േട്ടക്കാം. പക്ഷെ തന്‍റേതായ ചില നൈപുണ്യങ്ങൾ ഉള്ളയാളാണെന്ന്​ തെളിയിക്കുന്ന പ്രകടനമാണ്​ ആദിയിൽ പ്രണവ്​ മോഹൻലാൽ കാഴ്​ച്ചവെക്കുന്നത്​. 

aadhi

തന്‍റെ ആദ്യ സംരഭത്തിൽ അച്​ഛനെ സ്​നേഹിക്കുന്നവരുടെ വാത്സല്യം നേടിയെടുക്കാനെങ്കിലും ആദിക്കാകുന്നുണ്ട്​. ജീത്തു​ ജോസഫ്​ എഴുതി സംവിധാനം ചെയ്യുന്ന ആദിയൊരു കുടുംബ വിനോദ സിനിമയാണ്​. പകുതിയോടടുക്കു​േമ്പാൾ കഥക്കൊരു സ്​തോഭജനകമായ അവസ്​ഥ കൈവരുന്നുണ്ട്​. മധ്യവർഗ കുടുംബത്തിലെ ഏക മകനായ ചെറുപ്പക്കാരനാണ്​​ ആദി. പഠനമൊക്കെ അവസാനിപ്പിച്ച്​ സ്വന്തമായൊരു സ്വപ്​നത്തിന്​ പിന്നാലെയാണ്​ ഇൗ യുവാവ്​. അയാളുടെ ജീവിതത്തി​േലക്ക്​ അപ്രതീക്ഷിതമായി കടന്നുവരുന്ന ചില സംഭവങ്ങളാണ്​ സിനിമയെ മുന്നോട്ട്​ നയിക്കുന്നത്​. അത്രയൊന്നും പുതുമയില്ലാത്തൊരു വിഷയമാണിത്​. നേർവഴിയിൽ കഥ പറഞ്ഞ്​ പോകുന്ന രീതി തന്നെയാണ്​ സംവിധായക ൻ സ്വീകരിച്ചിരിക്കുന്നത്​. ആദിയുടെ മാതാപിതാക്കളായി സിദ്ദീഖും ലെനയും വേഷമിട്ടിരിക്കുന്നു. 

aadi

സിദ്ദീഖ്​ പതിവ്​ തെറ്റിക്കാതെ തന്‍റെ ഭാഗം ഭംഗിയാക്കിയിട്ടുണ്ട്​. ലെന ചിലപ്പോഴൊക്കെ അൽപ്പം വൈകാരികമായല്ലേ പ്രതികരിക്കുന്നതെന്ന്​ തോന്നാം. അനുശ്രീ, അദിഥി രവി എന്നിവരാണ്​ പ്രധാനപ്പെട്ട രണ്ട്​ സ്​ത്രീ കഥാപാത്രങ്ങളെ അവതരിപ്പിക്കുന്നത്​. ഇതിൽ അനുശ്രീയുടെ തന്മയത്വത്തോടെയുള്ള അഭിനയം രസം പകരും. സിജ​​ു വിത്സൺ, മേഘനാദൻ, ഷറഫുദ്ദീൻ എന്നിവരാണ്​ മറ്റ്​ പ്രധാന കഥാപാത്രങ്ങളാകുന്നത്​. പ്രണവിനെ മ​ുന്നിൽകണ്ട്​ പ്രണവിനായി സൃഷ്​ടിക്കപ്പെട്ട കഥാപാത്രമാണ്​ ആദിയുടേത്​. തീർച്ചയായും ഒരു നടനെന്ന നിലയിൽ ഭ്രൂണാവസ്​ഥയിൽ തന്നെയാണ്​ ഇൗ ചെറുപ്പക്കാരനിപ്പോഴും. മുഖഭാവങ്ങളിലും സംഭാഷണങ്ങളിലും ഒരു പതർച്ച പ്രണവിനുണ്ട്​. 

aadi

പക്ഷെ ആദിയിൽ പ്രണവിന്​ മാത്രം കഴിയു​ന്ന ചില സാമർഥ്യങ്ങൾ സംവിധായകൻ നന്നായി ഉപയോഗിച്ചിട്ടുണ്ട്​. സിനിമ കണ്ടവരെല്ലാം ഒരേ സ്വരത്തിൽ പറയുന്ന മെയ്​വഴക്കവും ത്രസിപ്പിക്കുന്ന സംഘട്ടന രംഗങ്ങളുമാണത്​. പാർക്കൗർ എന്നറിയപ്പെടുന്ന ഇൗ രീതി ഹോളിവുഡിലൊക്കെ വ്യാപകമായി ഉപയോഗിക്കുന്ന ഒന്നാണ്​. ഒാടിയും ചാടിയും കുത്തിമറിഞ്ഞുമൊക്കെ നീണ്ട്​ നിൽക്കുന്ന രംഗങ്ങളാണിത്​. ഇത്തരം രംഗങ്ങൾ മലയാള സിനിമയിൽ അത്ര സുപരിചിതമല്ല. കാരണം ഇത്​ ചെയ്യാൻ കഴിയുന്ന നായകർ തൽക്കാലം മലയാളത്തിലില്ല. ഡ്യൂപ്പിനെ ഒഴിവാക്കിയും നന്നായി വിയർത്തും ഇൗ ചെറുപ്പക്കാരൻ തന്‍റെ കഥാപാത്രത്തിനായി അധ്വാനിച്ചിട്ടുണ്ട്​. അതിന്‍റെ പേരിൽ നല്ല കൈയ്യടി സിനിമയിൽ പ്രണവ്​ അർഹിക്കുന്നുണ്ട്​. 

aadi

അനിൽ ജോൺസന്‍റെ സ​​​​ംഗീതം അത്ര കേമമല്ലെങ്കിലും പശ്​ചാത്തല സംഗീതം മികച്ച്‌ നിൽകുന്നു. സതീഷ്​ കുറുപ്പിന്‍റെ കാമറയും മികവോടു കൂടി അതിവേഗ രംഗങ്ങൾ പകർത്തിയിട്ടുണ്ട്​. അവസാനമെത്തു​േമ്പാൾ സംവിധായകന്‍റെ ​ഹോളിവുഡ്​ കമ്പം പതിയെ പുറത്ത്​ വരുന്നുണ്ട്​. ഇവിടങ്ങളിൽ സിനിമക്ക്​ ചെറുതല്ലാത്ത ഇഴച്ചിൽ അനുഭവപ്പെടാൻ സാധ്യതയുണ്ട്​. എങ്കിലും കഥാതന്തുവിൽ നിന്ന്​ തെന്നിമാറാതെ അന്ത്യത്തിലെത്തിക്കാൻ അണിയറക്കാർക്കായി എന്നത്​ സിനിമക്ക്​ മ​ുതൽക്കൂട്ടാണ്​.
aadi
അൽപ്പം കുടുംബ വൈകാരികതയും ഇച്ചിരി കോമഡിയും മേ​െമ്പാടിയായി ഉദ്വോഗവും എല്ലാത്തിനും മുകളിൽ വ്യത്യസ്​തമായ സംഘട്ടന രംഗങ്ങളും ചേർന്നൊരു ശരാശരി സിനിമയാണ്​ ആദി. ഒരു തുടക്കക്കാരന്​ നൽകേണ്ട ആനുകൂല്യങ്ങൾ പ്രേക്ഷകർ തീർച്ചയായും പ്രണവിന്​ നൽകുകയും ചെയ്യും. പ്രണവിന്‍റെ കഴിവുകൾക്കൊപ്പിച്ച്​ നന്നായി പ്ലാൻ ചെയ്​തെടുത്ത സിനിമയാണിത്​. വരും കാലത്തെ ദീർഘദൂര യാത്രകൾക്ക്​ കൂടുതൽ മികവ്​ ഇൗ ചെറുപ്പക്കാരൻ ആർജിക്കേണ്ടതുണ്ട്​. അതിലേക്ക്​ ഇൗ യുവാവ്​ എത്തുമെന്ന് തന്നെയാണ്​ സിനിമ കണ്ട്​ കയ്യടിക്കുന്ന ഒാരോ പ്രേക്ഷകനും ആഗ്രഹിക്കുന്നത്​.

COMMENTS