‘മീ ടൂ കാമ്പയിനുകള​ുടെ കാലം കഴിഞ്ഞു’ ഗോൾഡൻ ഗ്ലോബിൽ ചരിത്രമായി ഒപ്രാ വിൻഫ്രേയുടെ പ്രസംഗം

15:09 PM
08/01/2018
Oprah Winfrey

അമേരിക്കയിലെ പ്രശസ്​തയായ ടെലിവിഷൻ അവതാരിക ഒാപ്ര വിൻഫ്രേയുടെ ഗോൾഡൻ ഗ്ലോബിലെ പ്രസംഗം ചരിത്രമാകുന്നു. സീസിൽ ബി ഡിമൈൽ അവാർഡ്​ സ്വീകരിച്ചതിന്​ ശേഷം വിൻഫ്രേ നടത്തിയ പ്രസംഗം ഹോളിവുഡിൽ ചർച്ചയാവുകയാണ്​​. ​സിനിമയിലെ സ്​ത്രീകൾക്ക്,​ ‘മീ ടൂ’ കാമ്പയിനുകൾ നടത്തേണ്ട സാഹചര്യമില്ലാത്ത കാലം വരുമെന്ന, ഒാപ്രയുടെ പ്രവചനം, നിറഞ്ഞ കരഘോഷത്തോടെയാണ്​ താര നിബിഢമായ സദസ്സ്​ ഏറ്റെടുത്തത്​. 

മാസങ്ങളായി ഹോളിവുഡിനെ പിടിച്ചുലച്ച കാസ്​റ്റിങ്ങ്​ കൗച്ച്​ വിവാദത്തെ തുടർന്ന്​ പ്രചരിച്ച ഹാഷ്​ ടാഗ്​ കാമ്പയിനാണ്​ ‘മീ ടൂ’. ​പ്രമുഖ നിർമാതാവ്​ ഹാർവി വെയിൻസ്​റ്റൈനെതിരെ ലൈംഗിക ചൂഷണം ആരോപിച്ച്  മുൻനിര നടിമാരടക്കം​ രംഗത്ത്​ വരികയും അതിലൂടെ അയാൾ അകത്താവുകയും ചെയ്​തിരുന്നു. വെയിൻസ്​റ്റൈൻ വിഷയവുമായി ബന്ധപ്പെട്ട്​ പ്രതികരിച്ച നടിമാർക്ക് വിൻഫ്രേ​ അഭിനന്ദനമറിയിച്ചു.​  

തങ്ങൾക്കുണ്ടായ അനുഭവം തുറന്ന്​ പറയാൻ നടിമാർ കാട്ടിയ ധീരതയിൽ അഭിമാനം കൊള്ള​ുന്നുവെന്നും പ്രതിസന്ധി ഘട്ടങ്ങളിൽ പോലും സത്യം തുറന്ന്​​ പറയാൻ മാത്രം അവർ ശക്​തരായത്​ പ്രചോദനപരമാണെന്നും വിൻഫ്രേ പറഞ്ഞു. മാധ്യമങ്ങളിൽ മുമ്പുള്ളതിനേക്കാൾ വിശ്വാസം വർധിച്ചെന്നും സത്യം പറയുക എന്നതാണ്​ നമ്മുടെ ഏറ്റവും ശകതമായ ആയുധമെന്നും വിൻഫ്രേ പ്രസംഗത്തിൽ പറഞ്ഞു, 

ലോക പ്രശസ്​ത ടോക്ക്​ ഷോയായ ‘ഒാപ്രാ വിൻഫ്രേ ഷോ’യുടെ അവതാരിക, ഗോൾഡൻ ഗ്ലോബിൽ ‘സീസിൽ ബി ഡിമൈൽ’ പുരസ്​കാരം സ്വീകരിക്കാനെത്തിയതായിരുന്നു. ആദ്യമായാണ്​ ഒരു കറുത്ത വർഗക്കാരി ഇൗ പുരസ്​കാരത്തിനർഹയാവുന്നത്​. ഇത്​ വരെ 15 സ്​ത്രീകൾക്ക്​ മാത്രമാണ്​ ഡിമൈൽ പുരസ്​കാരം ലഭിച്ചത്​.

1964ൽ ആൻ ബാൻക്രോഫ്​റ്റ്​ മികച്ച നടനുള്ള 36ാമത്​​ ഒാസ്​കാർ പുരസ്​കാരം സമ്മാനിക്കുന്നതിന്​ വേദിയിലേക്ക്​ വന്നു കയ്യിലുള്ള എൻവലപ്പ്​ തുറന്ന്​ ആൻ വായിച്ച​ വാക്കുകൾ ചരിത്രമായി. മികച്ച നടൻ ‘സിഡ്​നി പോയിറ്റയർ’ ആദ്യമായി ഒരു കറുത്ത വർഗക്കാരന് ഒാസ്​കർ​ ലഭിക്കുന്നത് കണ്ടത്​​ അമ്മയുടെ വീട്ടിലെ ടി.വിയിൽ, 1982ൽ ഡിമൈൽ പുരസ്​കാരം അതേ സിഡ്​നിക്ക്​ ലഭിക്കുന്നത്​ കണ്ട്​ കുളിര്​ കോരിയതുമൊക്കെ ഒാർത്തെടുത്ത വിൻ​ഫ്രേ, വീട്ടിലെ വിലകുറഞ്ഞ കസേരയിലിരുന്ന്​ അവാർഡ്​ നിശകൾ കണ്ട്​ കൊണ്ടിരുന്ന ​ആ​ പെൺകുട്ടിയിൽ നിന്ന്​ ഡിമൈൽ പുരസ്​കാരം ലഭിക്കുന്ന ആദ്യ കറുത്ത വർഗക്കാരിയായതി​​​​​​​​​​​െൻറ ആഹ്ലാദവും അതിശയവും മറച്ചു വച്ചില്ല. ‘അവരടങ്ങുന്ന ചടങ്ങിൽ ഇൗ പുരസ്​കാരം ഏറ്റുവാങ്ങുന്നതിൽ അതീവ സന്തുഷ്​ടയാണെന്നും’ വിൻഫ്രേ കൂട്ടിച്ചേർത്തു. 

വർഷങ്ങളോളം അഭിനയ രംഗത്ത്​ നേരിട്ട പീഡനങ്ങൾ തുറന്ന്​ പറയാനാവാതെ വിട്ട്​ പിരിഞ്ഞ മുൻ നടിമാർക്ക് വിൻഫ്രേ ​ അനുശോചനം രേഖപ്പെടുത്തി. പുരുഷാധിപത്യത്തിനെതിരെ ശബ്​ദിക്കാനോ പ്രവർത്തിക്കാനോ മടിച്ച പഴയ കാലം അവസാനിച്ചെന്നും നിറഞ്ഞ ആരവത്തോടെ ഒാപ്ര വിൻഫ്രേ പറഞ്ഞു.

 
  

COMMENTS