പുതുമകളുടെ അ​രി​കി​ലാ​യൊ​രാ​ൾ

തീ​വ്ര​മാ​യി  ആ​ഗ്ര​ഹി​ച്ച​തി​നെ യാ​ഥാർഥ്യ​മാ​ക്കാ​ൻ ​പ്ര​പ​ഞ്ചം മു​ഴു​വ​ൻ കൂ​ടെ​ നിൽക്കും എന്ന വാക്യത്തെ ഒാർമിപ്പിക്കും സു​നി​ൽ ഇ​ബ്രാ​ഹീം എ​ന്ന ചെ​റു​പ്പ​ക്കാ​ര​​​െൻറ സി​നി​മ​ജീ​വി​തം. തി​രു​വ​ന​ന്ത​പു​രം ജി​ല്ല​യി​ൽ ചി​റ​യി​ൻകീ​ഴി​ന​ടു​ത്ത് പെ​രു​മാ​തു​റ മാ​ട​ൻ​വി​ള ഗ്രാമ​ത്തി​ൽനി​ന്നും മ​ല​യാ​ള സി​നി​മ​യി​ലേ​ക്ക് ന​ട​ന്നെ​ത്തി​യ സു​നി​ലി​​​െൻറ സ്വ​പ്ന​ങ്ങ​ളി​ൽ ബോ​ക്‌​സ് ഓ​ഫി​സ് ഹി​റ്റു​ക​ളോ അ​വാ​ർ​ഡ് നിശകേളാ ഇ​ല്ല, ന​ല്ല സി​നി​മ​ക​ൾ  മാ​ത്ര​ം.  സ്ഥി​രം ശൈ​ലി​ക​ളി​ൽനി​ന്ന് മാ​റി​യു​ള്ള പ​രീ​ക്ഷ​ണ​ങ്ങ​ൾകൂ​ടി​യാ​ണ് സു​നി​ലി​​​െൻറ സി​നി​മകൾ.  ‘ചാ​പ്റ്റേ​ഴ്‌​സ്’, ‘അ​രി​കി​ൽ ഒ​രാ​ൾ’ എ​ന്നീ ചി​ത്ര​ങ്ങ​ളും  പ്ര​ദ​ർ​ശ​ന​ത്തി​ന് ഒ​രു​ങ്ങി നി​ൽ​ക്കു​ന്ന ‘Y’ സി​നി​മ​യും അ​താ​ണ് പ​റ​യു​ന്ന​ത്. സാ​ധാ​ര​ണ​ക്കാ​ർ​ക്ക്  സി​നി​മ​യി​ലേ​ക്ക് വാ​തി​ൽ തു​റ​ക്കാ​ൻ സ​ഹാ​യ​ക​മാ​യ  ‘സ്​റ്റോ​റി വൈ​ബ്‌‘ എ​ന്ന സം​രം​ഭമട​ക്കം സി​നി​മ ജീ​വി​ത​ത്തെ കു​റി​ച്ചും സ​ങ്ക​ൽപ​ങ്ങ​ളെ കു​റി​ച്ചും ഗ​ൾ​ഫ് പ്ര​വാ​സി കൂ​ടി ആ​യി​രു​ന്ന അ​ദ്ദേ​ഹം മനസ്സുതുറക്കുന്നു.

കു​ഞ്ഞു​ന്നാ​ൾ മു​ത​ൽ സി​നി​മ ഒ​രു മോ​ഹ​മാ​യി​രു​ന്നോ?
ബാ​പ്പ​യെ അ​ടു​ത്ത കൂ​ട്ടു​കാ​രൊ​ക്കെ വി​ളി​ക്കു​ന്ന​ത് ‘എ​ല​പ്പേ’ എ​ന്നാ​ണ്. ബാ​പ്പ ചെ​റു​പ്പ​ത്തി​ൽ നാ​ട​ക​ങ്ങ​ളി​ൽ ഒ​ക്കെ അ​ഭി​ന​യി​ക്കു​മാ​യി​രു​ന്നു. ഒ​രു നാ​ട​ക​ത്തി​ൽ ബാ​പ്പ അ​ഭി​ന​യി​ച്ച് ഹി​റ്റാ​യ    ക​ഥാ​പാ​ത്ര​ത്തി​​​െൻറ പേ​രാ​ണ്  ‘എ​ല​പ്പ’. മൂ​ത്താ​പ്പാ​യു​ടെ മ​ക്ക​ളൊ​ക്കെ നാ​ട​ക​ത്തി​ൽ അ​ഭി​ന​യി​ക്കു​മാ​യി​രു​ന്നു. ഞാ​നും അ​നു​ജ​ൻ സു​ഹൈ​ലും ചെ​റു​പ്പ​ത്തി​ൽ  ക​ഥ​ക​ൾ എ​ഴു​തു​മാ​യി​രു​ന്നു. മ​റ്റാ​രെ​യും കാ​ണി​ക്കാ​ൻ ധൈ​ര്യ​മി​ല്ലാ​തെ ഞ​ങ്ങ​ൾ എ​ഴു​തി ഞ​ങ്ങ​ൾത​ന്നെ വാ​യി​ച്ചു കീ​റി​ക്ക​ള​ഞ്ഞ ഒ​രു​പാ​ട് ക​ഥ​ക​ൾ. പി​ന്നെ  പ​ഠി​ക്കു​മ്പോ​ൾ മി​മി​ക്‌​സ് പ​രേ​ഡ്​, നാ​ട​കം ഇ​തി​ലൊ​ക്കെ സ​ജീ​വ​മാ​യി​രു​ന്നു. 

ഗ​ൾ​ഫ് ജീ​വി​ത​വും ജോ​ലി​യും സി​നി​മാ​രം​ഗ​ത്തേ​ക്ക് വ​രാ​ൻ സ​ഹാ​യ​ക​ര​മാ​യി​രു​ന്നോ?
2005  മു​ത​ൽ നാലുവ​ർ​ഷം ആ​യി​രു​ന്നു ദു​ബൈ​യി​ൽ പ്ര​വാ​സം. ആ ​സ​മ​യ​ത്താ​ണ് കൈ​ര​ളി ടി.വി ‘നി​ന​വ്’ എ​ന്നൊ​രു പ്രോ​ഗ്രാം ചെ​യ്യു​ന്ന​ത്. ദുബൈ​യി​ലുള്ള  30ഒാളം സം​ഗീ​ത ത​ൽപ​ര​രെ​യും ഗാ​യ​ക​രെ​യും  ഉ​ൾ​പ്പെ​ടു​ത്തി ‘70കളിലെ​യും ‘80ക​ളി​ലെ​യും റൊ​മാ​ൻറി​ക് മെ​ല​ഡി​ക​ളാണ് അ​തി​ൽ അ​വ​ത​രി​പ്പി​ച്ച​ത്.  അ​ന്ന് എമിറേറ്റ്​സിൽ ​ജോ​ലി ചെ​യ്തി​രു​ന്ന  നി​ഷ ആ​യി​രു​ന്നു പ്രോ​ഗ്രാ​മി​​​െൻറ ആ​ങ്ക​ർ. ‘നി​ന​വ്’  65ഒാ​ളം എ​പ്പി​സോ​ഡ്  ചെ​യ്തു. നി​ഷ​യോ​ടും ഭർത്താവ്​ ജോ​സ​ഫി​നോ​ടും ഉ​ള്ള സൗ​ഹൃ​ദ​ംവഴിയാണ്​ അ​വ​രുടെ അഡ്വർടൈസിങ്​​ സ്ഥാ​പ​നത്തി​​െൻറ ചു​മ​ത​ല​ക്കാ​ര​ൻ ആ​കുന്നത്​. ന​ല്ല രീ​തി​യി​ൽ ന​ട​ന്ന ആ ​സ്ഥാ​പ​ന​ത്തി​ലൂ​ടെ ഒ​ട്ടേ​റെ പ​ര​സ്യ​ങ്ങ​ളും ടെ​ലി​ഫി​ലി​മു​ക​ളും ഒ​ക്കെ ചെ​യ്യാ​ൻ പ​റ്റി. അ​വി​ടെയുണ്ടാ​യി​രു​ന്ന ര​ണ്ടുവ​ർ​ഷ​മാ​ണ് എ​ന്നി​ലെ സി​നി​മാമോ​ഹി​ക്ക് വെ​ള്ള​വും വ​ള​വും ആ​കു​ന്ന​ത്.  സി​നി​മ ചെ​യ്യാ​നു​ള്ള മോ​ഹംകൊ​ണ്ടാ​ണ് ഞാ​ൻ 2009ൽ ​​പ്രവാസം ഉ​പേ​ക്ഷി​ച്ചു നാ​ട്ടി​ലേ​ക്ക് പോ​രു​ന്ന​ത്.

സം​വി​ധാ​യ​ക​ൻ എ​ന്ന സ്വ​പ്നം എ​ങ്ങ​നെ​യാ​ണ് യാ​ഥാ​ർ​ഥ്യ​മാ​കു​ന്ന​ത്? 
പ്ര​വാ​സം ഒ​ഴി​വാ​ക്കി നാ​ട്ടിൽവ​ന്നു ‘വൈ​ബ് സോ​ൺ’ എ​ന്ന ഒ​രു  പ​ര​സ്യ​ക്ക​മ്പ​നി തു​ട​ങ്ങി.  ഒ​രു മി​നി​റ്റ് പോ​ലും ഇ​ല്ലാ​ത്ത ഒ​രു പ​ര​സ്യ ചി​ത്രം ചെ​യ്യാ​നും സി​നി​മ​യുടെ എ​ല്ലാ റിസ്​ക്കുമുണ്ട്. ആ ​അ​നു​ഭ​വ​ങ്ങ​ൾ ന​ൽ​കി​യ ആ​ത്മ​വി​ശ്വാ​സം കൂ​ടി​യാ​ണ് മുഴുനീള സി​നി​മ​യി​ലേ​ക്ക് എ​ത്തി​ക്കു​ന്ന​ത്. 
ദു​​ൈബയി​ൽ എ​ന്നോ​ടൊ​പ്പം ഉ​ണ്ടാ​യി​രു​ന്ന സു​ഹൃ​ത്ത് ദി​ൽ​ജി​ത് ഗോ​രെ​യും പാ​ല​ക്കാ​ട് എ​ൻജി​നീ​യ​റിങ്​ കോ​ളജി​ൽ പ​ഠി​ച്ച അവ​​െൻറ കൂ​ട്ടു​കാ​രും ചേ​ർ​ന്ന് ‘കാ​മ്പ​സ് ഓ​ക്‌​സ്’ എ​ന്നൊ​രു കൂ​ട്ടാ​യ്മ ഉ​ണ്ടാ​ക്കി സി​നി​മ നി​ർ​മി​ക്കു​ന്ന​തി​നെ കു​റി​ച്ച്  ആ​ലോ​ചി​ക്കു​ന്ന സ​മ​യ​ം. അവ​ർ​ക്ക് വേ​ണ്ടി​യാ​ണ് ‘ചാ​പ്റ്റേ​ഴ്‌​സ്’ ​​െൻറ ​ക​ഥ പ​റ​യു​ന്ന​ത്.  പ്രൊ​ഡ​ക്​ഷ​ൻ  ക​ൺ​ട്രോ​ള​ർ ആ​യ ഷെ​ഫീ​ർ സേ​ട്ടി​ന്  ഈ ​സി​നി​മ​യു​ടെ ക​ഥ കേ​ട്ട​പ്പോ​ൾ വ​ള​രെ ഇ​ഷ്​ടപ്പെ​ടു​ക​യും  നി​ർ​മിക്കാ​നു​ള്ള താ​ൽപ​ര്യം പ്ര​ക​ടി​പ്പി​ക്കു​ക​യും ചെ​യ്തു. അ​ങ്ങ​നെയാണ്​ സം​വി​ധാ​ന മോ​ഹം സാ​ധ്യ​മാ​ക്കു​ന്ന​ത്.

മ​ല​യാ​ള​ത്തിൽ  ‘അ​രി​കി​ൽ ഒ​രാ​ൾ’ പോ​ലെ​യു​ള്ള  തീ​മു​ക​ൾ അ​പൂ​ർ​വ​മാ​ണ് എ​ന്ന് തോ​ന്നു​ന്നു?
‘അ​രി​കി​ൽ ഒ​രാ​ൾ’ മ​നഃ​ശാ​സ്ത്ര​വു​മാ​യി ബ​ന്ധ​പ്പെ​ട്ട വിഷയം ആ​യി​രു​ന്നു. സി​നി​മ​യെ ഗൗ​ര​വ​മാ​യി കാ​ണു​ന്നവർ ഒ​ട്ടേ​റെ ന​ല്ല അ​ഭി​പ്രാ​യ​ം പറഞ്ഞു.  ത​മി​ഴി​ലേ​ക്ക് റീ​മേ​ക്ക് ചെ​യ്യാ​ൻ ഒ​രു പ്രൊ​ഡ്യൂ​സ​ർ താൽപ​ര്യം പ്ര​ക​ടി​പ്പി​ച്ചിരുന്നു. കു​റ​ച്ചു മാ​റ്റ​ങ്ങ​ളോ​ടെ ത​മി​ഴി​ൽ ഈ ​സി​നി​മ തു​ട​ങ്ങിവെ​ച്ച​തു​മാ​ണ്. നി​ർ​മാതാ​വി​നു​ണ്ടാ​യ ചി​ല പ്ര​യാ​സ​ങ്ങ​ൾ കാ​ര​ണം ഇ​പ്പോ​ഴും  പാ​തി​വ​ഴി​യി​ലാണ് ആ ​ചി​ത്രം. 

റി​ലീ​സ് ചെ​യ്യാ​ൻ പോ​കു​ന്ന ‘Y’ യെ കുറിച്ച്​?
സേഫ് സോ​ണിൽ സ്വ​സ്ഥ​മാ​യി  സ്ഥി​രം ശൈ​ലി​യി​ലു​ള്ള  സി​നി​മ​ക​ൾ ചെ​യ്യാ​ൻ ഞാ​ൻ താ​ൽപ​ര്യ​പ്പെ​ടു​ന്നി​ല്ല. സം​വി​ധാ​നം ചെ​യ്ത ര​ണ്ടു സി​നി​മ​ക​ളും വ​ൻ വി​ജ​യ​ങ്ങള​ല്ലെ​ങ്കി​ലും നി​ർ​മാതാ​ക്ക​ൾ​ക്ക് നേ​ട്ട​മു​ണ്ടാ​ക്കി​യ സി​നി​മ​ക​ളാണ്.   ആ ​ഒ​രു ആ​ത്മവി​ശ്വാ​സ​മാ​ണ് ‘Y’ സി​നി​മ​യി​ലേ​ക്ക് എ​ത്തി​ച്ച​ത്. ഇ​ന്നുവ​രെ സി​നി​മ കാ​മ​റ​യു​ടെ മു​ന്നി​ൽപോ​ലും നി​ന്ന​വ​ര​ല്ല ഈ ​സി​നി​മ​യി​ലെ അ​ഭി​നേ​താ​ക്ക​ളിൽ ഏ​റെ​യും. ഓ​ഡി​ഷ​നു വ​ന്ന 1000ത്തോ​ളം വി​ഡി​യോ​ക​ൾ പ​രി​ശോ​ധി​ച്ച് അ​തി​ൽനി​ന്ന്​ 100 പേ​രെ തെ​ര​ഞ്ഞെ​ടു​ത്ത്‌ അ​തി​ൽനി​ന്ന്‌ ക​ണ്ടെ​ത്തി​യ 40ഒാ​ളം പേ​ർ ആ​ണ്‌ ഈ ​സി​നി​മ​യി​ലെ പ്ര​ധാ​ന അ​ഭി​നേ​താ​ക്ക​ൾ. ചി​ത്ര​ത്തി​​​െൻറ ക​ഥ​യും ട്രീ​റ്റ്മെ​ൻറും വ്യ​ത്യ​സ്ത രീ​തി​യിലാണ്. ഒ​രു​പാ​ട് പ്ര​തീ​ക്ഷ​ക​ളുള്ള സി​നി​മ​യാ​ണ് ‘Y’. സം​വി​ധാ​യ​ക​ൻ എ​ന്നനി​ല​യി​ൽ വെ​ല്ലു​വി​ളി കൂ​ടി​യാ​ണ് ഇൗ സിനിമ. 

വി​ജ​യി​ച്ച​വ​ർ മാ​ത്രം കൊ​ണ്ടാ​ട​പ്പെ​ടു​ന്ന ഒ​രു മേ​ഖ​ല​യ​ല്ലേ സി​നി​മ. അ​പ്പോ​ൾ ഇ​ങ്ങ​നെ​യു​ള്ള ശ്ര​മ​ങ്ങ​ൾ​ക്ക് കു​റെ പ​രി​മി​തി​ക​ൾ ഇ​ല്ലേ? 
തീ​ർ​ച്ച​യാ​യും ഒ​രു സി​നി​മ വി​ജ​യി​ക്കു​മ്പോ​ൾ അ​തി​​​െൻറ സം​വി​ധാ​യ​ക​നും ന​ട​ന്മാ​രും സാ​ങ്കേ​തി​കപ്ര​വ​ർ​ത്ത​ക​രും അ​ട​ക്കം അം​ഗീ​ക​രി​ക്ക​പ്പെ​ടു​ക​യും അ​വ​ർ​ക്ക​ത് നേ​ട്ട​മാ​വു​ക​യും ചെ​യ്യു​ന്നു​ണ്ട്. പ​ക്ഷേ, സി​നി​മ പ​രാ​ജ​യ​പ്പെ​ടു​മ്പോ​ൾ ഏ​റ്റ​വുംവ​ലി​യ നഷ്​ടം നി​ർ​മാ​താ​വി​നാ​ണ്. സി​നി​മ ഒ​രു ജീ​വി​തോ​പാ​ധി കൂ​ടി​യാ​വു​മ്പോ​ൾ കൈ​വി​ട്ട ഒ​രു ക​ളി ക​ളി​ക്കാ​ൻ ആ​രും ത​യാ​റാ​വു​ക​യി​ല്ല. പ​ക്ഷേ, അ​ങ്ങ​നെ​യാ​വു​മ്പോ​ൾ ഒ​രേ കു​റ്റി​ക്ക് ചു​റ്റും തി​രി​യു​ന്ന അ​വ​സ്‌​ഥ വ​രും. എ​ന്നെ സം​ബ​ന്ധി​ച്ചി​ടത്തോ​ളം സി​നി​മ ജീ​വി​ത​മാ​ർ​ഗം അ​ല്ല.  പ​ക്ഷേ, ഏ​റ്റ​വും ചെ​ല​വ് ചു​രു​ക്കി എ​ങ്ങ​നെ സി​നി​മ​ക​ൾ ചെ​യ്യാ​നാ​വും എ​ന്ന അ​നു​ഭ​വ​പ​രി​ച​യം ഉ​ണ്ട്. സ​മാ​ന ചി​ന്താ​ഗ​തി​യും താ​ൽപര്യ​വും ഉ​ള്ള ടീം ​എ​ന്നോ​ടൊ​പ്പമു​ണ്ട്. അ​തു​കൊ​ണ്ടു ത​ന്നെ നി​ർ​മാ​താ​വി​ന് മെ​ച്ച​മു​ള്ള ന​ല്ല സി​നി​മ​ക​ൾ ചെ​യ്യാ​നാ​വും എ​ന്ന ആ​ത്‍മ​വി​ശ്വാ​സ​മു​ണ്ട്.

‘സ്​റ്റോ​റി​ വൈ​ബ്‌​സ്’  വ്യ​ത്യ​സ്ത​ സം​രം​ഭം ആ​ണ​ല്ലോ?
 മ​ല​യാ​ള സി​നി​മ​യി​ലെ ഏ​റ്റ​വും വ​ലി​യ പ്ര​ശ്നം ന​ല്ല ക​ഥ​ക​ൾ ഇ​ല്ലാ​ത്ത​താ​ണ് എ​ന്നു പ​റ​യാ​റു​ണ്ട്. സ​ത്യ​ത്തി​ൽ സി​നി​മ​ക്ക് പ​റ്റി​യ മി​ക​ച്ച ക​ഥ​ക​ൾ മ​ന​സ്സി​ൽ കൊ​ണ്ടുന​ട​ക്കു​ന്ന  ഒ​രു​പാ​ട് ആ​ളു​ക​ൾ സി​നി​മ​ക്ക്​ പു​റ​ത്തു​ണ്ട്. അ​വ​ർ​ക്കത്​ സം​വി​ധാ​യ​ക​രി​ലേ​ക്കോ നി​ർ​മാ​താ​ക്ക​ളി​ലേ​ക്കോ എ​ത്തി​ക്കാ​ൻ അ​വ​സ​രം ല​ഭി​ക്കു​ന്നി​ല്ല. അ​തു​പോ​ലെ പു​തി​യ ആ​ളു​ക​ളു​ടെ ക​ഥ​ക​ൾ കേ​ൾ​ക്കാ​ൻ സം​വി​ധാ​യ​ക​ർ​ക്കും ഏ​റെ സൗ​ക​ര്യ​ക്കു​റ​വു​ക​ൾ ഉ​ണ്ട്. ഇ​വി​ടെ​യാ​ണ് ‘സ്​റ്റോ​റി വൈ​ബ്‌​സ്’ പ്ര​സ​ക്ത​മാ​കു​ന്ന​ത്.

സി​നി​മ​ക്ക് പ​റ്റി​യ ഒ​രു ക​ഥ കൈ​യിലു​ള്ള ഏ​തൊ​രാ​ൾ​ക്കും ആ ​ക​ഥ ഞ​ങ്ങ​ളോ​ട് പ​റ​യാം. ക​ഥ സി​നി​മാ സാ​ധ്യ​ത ഉ​ള്ള​താ​ണെ​ങ്കി​ൽ ഞ​ങ്ങ​ള​ത് ന​ല്ല ക​ഥ​ക​ൾ തേ​ടി ന​ട​ക്കു​ന്ന സം​വി​ധാ​യ​ക​രു​ടെ ശ്ര​ദ്ധ​യി​ൽ പെ​ടു​ത്തും. ക​ഥ​യോ ആ​ശ​യ​മോ മാ​ത്രം ഉ​ള്ള ഒ​രാ​ൾ​ക്ക് അ​തി​നെ വി​പു​ല​പ്പെ​ടു​ത്താ​നു​ള്ള ക​ഴി​വി​ല്ലെ​ങ്കി​ൽ അ​തി​നുവേ​ണ്ട സൗ​ക​ര്യ​വും ചെ​യ്തുകൊ​ടു​ക്കും. ഇ​തി​ലൂ​ടെ പേ​രും മാ​ന്യ​മാ​യ പ്ര​തി​ഫ​ല​വും ല​ഭി​ക്കുമെ​ന്ന് മാ​ത്ര​മ​ല്ല, ക​ഥ​ക​ൾ മോഷ്​ടിക്ക​പ്പെ​ട്ടു എ​ന്ന പ​രാ​തി ഉ​ണ്ടാ​വു​ക​യും ഇ​ല്ല. ‘സ്​റ്റോ​റി വൈ​ബ്‌​സി’ലൂ​ടെ മ​ല​യാ​ള സി​നി​മ​യി​ലേ​ക്ക് കു​റെ ന​ല്ല എ​ഴു​ത്തു​കാ​രെ കൊ​ണ്ടു​വ​രാ​ൻ ക​ഴി​യു​മെ​ന്നും അ​തി​ലൂ​ടെ പു​തു​മ​യു​ള്ള പ്ര​മേ​യ​ങ്ങ​ൾ ന​മ്മു​ടെ സി​നി​മ​യി​ൽ ഉ​ണ്ടാ​വുമെ​ന്നു​മാ​ണ് പ്ര​തീ​ക്ഷ.

എ​ന്താ​ണ് ‘സ്​റ്റോറി വൈ​ബ്‌​സ്’ അ​നു​ഭ​വം?
ന​ല്ല ക​ഴി​വു​ള്ള ഒ​രു​പാ​ട് പേ​ർ സി​നി​മ​ക്ക് പു​റ​ത്തു​ണ്ട് എ​ന്ന​താ​ണ് ഞ​ങ്ങ​ൾ​ക്ക് ല​ഭി​ക്കു​ന്ന ക​ഥ​ക​ൾ തെ​ളി​യി​ക്കു​ന്ന​ത്. തീ​ർ​ച്ച​യാ​യും ഇ​ങ്ങ​നെ​യു​ള്ള ചെ​റു​പ്പ​ക്കാ​ർ മ​ല​യാ​ള സി​നി​മ​യു​ടെ ഭാ​ഗ​മാ​കു​ന്ന​ത് ഗു​ണ​പ​ര​മാ​യ മാ​റ്റ​ങ്ങ​ൾ ഉ​ണ്ടാ​ക്കും.