മെർസൽ വിവാദം: പ്രധാനമന്ത്രിയെ അധിക്ഷേപിച്ച വിജയ്​ ആരാധകൻ അറസ്​റ്റിൽ

ചെന്നൈ: ഫേസ്​ബുക്ക്​ മെസഞ്ചറിലൂടെയുള്ള ചാറ്റിനിടെ പ്രധാനമന്ത്രിയെ അധിക്ഷേപിച്ചതിന്​ തമിഴ്​നാട്ടിൽ ഒരാൾ അറസ്​റ്റിൽ. വിജയ്​ ആരാധകനായ വിരുദനഗർ സ്വദേശിയായ എസ്​. തിരുമുരുകനാണ്​ അറസ്​റ്റിലായത്​. ചാറ്റി​​െൻറ സ്​ക്രീൻഷോട്ട്​ ഉൾപ്പടെയുള്ള തെളിവുകളുമായി ബി.ജെ.പി ജില്ലാ സെക്രട്ടറി മാരിമുത്തു നൽകിയ പരാതിയുടെ അടിസ്ഥാനത്തിലാണ്​ പൊലീസ്​ നടപടി. കോടതിയിൽ ഹാജരാക്കിയ തിരുമുരുകനെ 15 ദിവസം ജുഡീഷ്യൽ കസ്​റ്റഡിയിൽ വിട്ടു. 

വിജയ്​ സിനിമയായ മെർസലുമായി ബന്ധപ്പെട്ട്​ ഉണ്ടായ വിവാദങ്ങളിൽ ബി.ജെ.പിയെ പിന്തുണക്കുന്ന സന്ദേശം ഫേസ്​ബുക്ക്​ മെസ​ഞ്ചറിലൂടെ ജില്ലാ സെക്രട്ടറി മാരിമുത്തു തിരുമുരുകന്​ കൈമാറിയിരുന്നു. വിജയ്​ ആരാധകനായ തിരുമുരുകൻ ഇതിന്​ മറുപടി നൽകു​േമ്പാൾ പ്രധാനമന്ത്രിയെ അധിക്ഷേപിച്ചുവെന്നാണ്​ ആരോപണം. 

സിനിമതാരം വിജയിനെ മാന്യമായ രീതിയിലാണ്​ താൻ വിമർശിച്ചത്​. എന്നാൽ വളരെ മോശമായ കമൻറാണ്​ തിരുമുരുകൻ മോദിയെ കുറിച്ച്​ പറഞ്ഞത്​. തിരുമുരുക​​െൻറ പ്രസ്​താവന പങ്കുവെക്കാൻ താൻ ആഗ്രഹിക്കുന്നില്ലെന്നും മാരിമുത്തു വ്യക്​തമാക്കി. വിമർശനങ്ങളെ ബി.ജെ.പി സ്വാഗതം ചെയ്യുന്നു. എന്നാൽ അധിക്ഷേപത്തെ അംഗീകരിക്കാൻ സാധിക്കില്ലെന്ന്​ പാർട്ടിയുടെ തമിഴ്​നാട്​ സംസ്ഥാന ഘടകം വക്​താവ്​ വ്യക്​തമാക്കി.