വലതുപക്ഷ ഹിന്ദു ഗ്രൂപ്പുകളും അക്രമത്തി​െൻറ ഭാഗമാവുന്നുണ്ടെന്ന്​ കമൽഹാസൻ

ചെന്നൈ: തീവ്ര ഹിന്ദു വലതുപക്ഷ ഗ്രൂപ്പുകളും അക്രമപ്രവർത്തനങ്ങളുടെ ഭാഗമാവുന്നുണ്ടെന്ന്​ നടൻ കമൽഹാസൻ. ഹിന്ദു വലതുപക്ഷ ഗ്രൂപ്പുകൾ മുമ്പ്​ അക്രമപ്രവർത്തനങ്ങളിൽ ഏർപ്പെട്ടിരുന്നില്ല. എന്നാൽ ഇപ്പോൾ അവരും ​അക്രമത്തി​​െൻറ ഭാഗമാവുന്നുവെന്ന്​ കമൽഹാസൻ പറഞ്ഞു. പുതിയ രാഷ്​ട്രീയ പാർട്ടിയുടെ പ്രഖ്യാപനം വൈകാതെ നടത്തുമെന്ന വാർത്തകൾക്കിടെയാണ്​ തീവ്രഹിന്ദുത്വവാദികളെ വിമർശിച്ച്​ കമൽഹാസൻ രംഗത്തെത്തിയിരിക്കുന്നത്​.

തീവ്രഹിന്ദുത്വവാദികൾ തമിഴ്​സംസ്​കാരത്തെ നശിപ്പിക്കുന്നതിനെ കുറിച്ച്​ താങ്കളുടെ അഭിപ്രായമെന്താണെന്ന കേരള മുഖ്യമന്ത്രി പിണറായി വിജയ​​െൻറ ചോദ്യത്തോട്​ പ്രതികരണമായാണ്​ അദ്ദേഹം ഇക്കാര്യം പറഞ്ഞത്​. തമിഴ്​ മാസികയിൽ ത​​െൻറ കോളത്തിലാണ്​ ഹിന്ദുത്വ ശക്​തികളെ രൂക്ഷമായി വിമർശിച്ച്​ കമൽഹാസൻ രംഗത്തെത്തിയിരിക്കുന്നത്​.

കമൽഹാസൻ പുതിയ രാഷ്​ട്രീയ പാർട്ടിയുടെ പ്രഖ്യാപനം നവംബർ ഏഴിന്​ നടത്തുമെന്നാണ്​ പ്രതീക്ഷക്കുന്നത്​. നവംബർ  ഏഴിനാണ്​ കമൽഹാസ​​െൻറ ജന്മദിനം. ജന്മദിനത്തോട്​ അനുബന്ധിച്ച വലിയ പ്രഖ്യാപ​നത്തിന്​ ​ഒരുങ്ങിയിരിക്കാൻ കമൽ ആരാധകരോട്​ ആവശ്യപ്പെട്ടിരുന്നു.