Begin typing your search above and press return to search.
proflie-avatar
Login
exit_to_app
exit_to_app
Homechevron_rightതാൻ യുക്തിവാദി:...

താൻ യുക്തിവാദി: രജനിയാണ്​​ ബി.ജെ.പിക്ക്​ അനുയോജ്യൻ– കമൽ ഹാസൻ

text_fields
bookmark_border
താൻ യുക്തിവാദി: രജനിയാണ്​​ ബി.ജെ.പിക്ക്​ അനുയോജ്യൻ– കമൽ ഹാസൻ
cancel

ചെന്നൈ: രാഷ്​ട്രീയ പ്രവേശത്തിനൊരുങ്ങുന്ന തമിഴ്​ താരം രജനികാന്താണ്​ ബി.ജെ.പിയുടെ കക്ഷിയാകാൻ അനുയോജ്യ​നെന്ന്​ കമൽ ഹാസൻ. താനൊരു യുക്തിവാദിയാണ്​. മതവിശ്വാസം കണക്കിലെടുക്കു​േമ്പാൾ രജനീകാന്താണ്​, കാവി പാർട്ടിക്ക്​ അനുയോജ്യനായ കക്ഷിയാവുക. സ്വകാര്യ ചാനലിനു നൽകിയ അഭിമുഖത്തിലാണ്​ കമൽഹാസൻ ത​​​​​െൻറ രാഷ്​ട്രീയ നിലപാട്​ വ്യക്തമാക്കിയത്​.

രാഷ്​ട്രീയ പ്രവേശനം അടുത്ത പുതുവർഷത്തിന്​ മുമ്പ്​ പ്രഖ്യാപിക്കും. അതുമായി ബന്ധപ്പെട്ട്​ വിവിധ മേഖലയിലുള്ളവരുമായി സംസാരിക്കുകയും ഉപദേശങ്ങൾ സ്വീകരിക്കുകയും ചെയ്​തുവരുന്നു. തമിഴ്​നാട്ടിലെ രണ്ട്​ ദ്രാവിഡ പാർട്ടികൾക്കും എതിരെയാണ്​ താൻ രാഷ്​ട്രീയ സഖ്യം രൂപീകരിക്കുക. ഡി.എം.കെയും എ.​െഎ.എ.ഡി.എം.കെയും  അഴിമതി നടത്തികൊണ്ടിരിക്കുന്നതിന്​ ദൃക്​സാക്ഷികളാണ്​ തമിഴ് ​ജനത. ത​​​​​െൻറ പേരാട്ടം അഴിമതിക്കെതിരെയാണെന്നും കമൽഹാസൻ പറഞ്ഞു. 

താൻ ജാതിവ്യവസ്ഥക്ക്​ എതിരാണ്​. എന്നാൽ ഞാനൊരു കമ്മ്യൂണിസ്​റ്റ്​ അല്ല. കമ്മ്യൂണിസ്​റ്റ്​കാരായ ചിലരെ ആരാധിക്കുന്നുണ്ട്​. ത​​​​​െൻറ ഹീറോകളിൽ പലരും കമ്മ്യൂണിസ്​റ്റാണെന്നും അദ്ദേഹം കൂട്ടിച്ചേർത്തു. തമിഴ്​നാട്ടിൽ ഇതുവരെ ‘അച്​ഛാ ദിൻ’ വന്നിട്ടില്ല.  മറ്റു സംസ്ഥാനങ്ങളിലെ കാര്യം തനിക്കറിയില്ല. എന്നാൽ നല്ല ദിനങ്ങൾ എന്നാണ്​ എത്തുകയെന്നും കമൽ ചോദിച്ചു. 

താൻ രാജ്യത്തെ സ്​നേഹിക്കുന്നുണ്ട്​. എന്നാൽ അത്​ തുടങ്ങുന്നത്​ വീട്ടിൽ നിന്നും സ്വന്തം സംസ്ഥാനത്തിൽ നിന്നുമാണ്​. ഇന്ത്യയിൽ വടക്കും തെക്കും തമ്മിൽ പ്രകടമായ വേർതിരിവ്​ ഉണ്ട്​. ഡൽഹിക്ക്​ തമിഴ്​നാടിനെ മനസിലാകണമെന്നില്ല. തിരിച്ച്​ തമിഴ്​നാടിന്​ ഡൽഹി​യേയും. അതുകൊണ്ടു തന്നെയാണ്​ തമിഴ്​നാട്ടിൽ നിന്ന്​ ഒരു ദേശീയ പാർട്ടി ഉയർന്നുവരാത്തതുമെന്ന്​ കമൽ അഭിപ്രായപ്പെട്ടു.

രജനികാന്ത്​ നല്ല സുഹൃത്താണ്​. അദ്ദേഹവുമായി നിരന്തരം സംസാരിക്കാറുണ്ട്​. രാഷ്​ട്രീയ പ്രവേശനം അദ്ദേഹത്തെ അറിയിച്ചിരുന്നു. രജനീകാന്തുമായി ചേര്‍ന്ന് പ്രവര്‍ത്തിക്കാന്‍ താല്‍പര്യപ്പെടുന്നുണ്ട്​. എന്നാൽ ഇതുവരെ അങ്ങനെയൊരു പദ്ധതി ഉണ്ടായിട്ടില്ല. സംസ്ഥാനം ഏറ്റവും മോശം അവസ്ഥയിൽ നിൽക്കുന്ന സമയത്താണ്​ താൻ രാഷ്​ട്രീയത്തിൽ പ്രവേശിക്കുന്നത്​. രാഷ്​ട്രീയത്തിലേക്കിറങ്ങാൻ ഇതാണോ നല്ല സമയമെന്ന്​ ചോദിച്ചാൽ മോശം സമയമെന്നേ പറയാൻ കഴിയൂയെന്നും കമൽഹാസൻ പറഞ്ഞു. 

ആം ആദ്​മി പാർട്ടിയിൽ നിന്ന്​ നല്ലപാഠങ്ങൾ ഉൾക്കൊള്ളും. എന്നുകരുതി ആം ആദ്​മിയുമായി മറ്റുതരത്തിലുള്ള ബന്ധമുണ്ടാകില്ല. കഴിവുള്ള യുവജനങ്ങളെയാണ്​ പാർട്ടിയിലേക്ക്​ കൊണ്ടുവരികയെന്നതാണ്​ ആം ആദ്​മിയുടെ അജണ്ട. എന്നാൽ ജനങ്ങളിൽ നിന്ന്​ പാർട്ടിയിലേക്ക്​ പണമെത്തുന്നുവെന്നത്​ ആം ആദ്​മി പാർട്ടിയുടെ മൂല്യത്തിന്​ ചേരുന്നില്ലെന്നും അദ്ദേഹം പറഞ്ഞു. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:rajinikanthkamal haasanrationalistfilm newsSuitable AllyBJPBJP
News Summary - Rajinikanth More 'Suitable Ally' of BJP, I am Rationalist: Kamal Haasan– movie news
Next Story