ദിലീപ്​ വീണ്ടും ഹൈകോടതിയിൽ; ജാമ്യാപേക്ഷ ഇന്നുതന്നെ പരിഗണിക്കും

കൊച്ചി: നടിയെ ആക്രമിച്ച കേസില്‍ ദിലീപ് ജാമ്യാപേക്ഷയുമായി ഇന്ന് വീണ്ടും ഹൈകോടതിയില്‍. അറസ്​റ്റിലായ ശേഷം അഞ്ചാം തവണയാണ്​ ദിലീപ്​ ജാമ്യാപേക്ഷ സമർപ്പിക്കുന്നത്​. നാലാം ജാമ്യാപേക്ഷ അങ്കമാലി മജിസ്ട്രേറ്റ് കോടതി തള്ളിയ സാഹചര്യത്തിലാണ് വീണ്ടും ഹൈകോടതിയെ സമീപിക്കുന്നത്. അഡ്വ.രാമന്‍പിള്ള മുഖാന്തരമാണ് ഹൈകോടതിയില്‍ ദിലീപ് വീണ്ടും ജാമ്യാപേക്ഷ നല്‍കുന്നത്. 

ജാമ്യാപേക്ഷ ഇന്ന്​ തന്നെ പരിഗണിക്കും.  ജസ്​റ്റിസ്​ സുനിൽ തോമസി​​െൻറ ബഞ്ച്​ ഇന്ന്​ ഉച്ചക്ക്​ ഒന്നേമുക്കാലോ​െട ഹരജി പരിഗണിക്കു​െമന്നാണ്​ കരുതുന്നത്​. സോപാധിക ജാമ്യത്തിന്​ അർഹതയു​െണ്ടന്ന്​ ചൂണ്ടിക്കാട്ടിയണ്​ ഹരജി. 

നേരത്തെ രണ്ട് തവണ അങ്കമാലി മജിസ്‌ട്രേറ്റ് കോടതിയും രണ്ട് തവണ ഹൈകോടതിയും ദിലീപി​​െൻറ ജാമ്യാപേക്ഷ തള്ളിയിരുന്നു. കഴിഞ്ഞ ജൂലൈ പത്തിനാണ് നടി ആക്രമിക്കപ്പെട്ട കേസില്‍ ദിലീപിനെ പൊലീസ് അറസ്റ്റ് ചെയ്യുന്നത്.