നടിയെ ആക്രമിച്ച കേസ്​: ദൃശ്യങ്ങൾ നൽകണമെന്ന്​ ആവശ്യവുമായി ദീലിപ്​ ഹൈകോടതിയിലേക്ക്​

കൊച്ചി: നടിയെ അക്രമിച്ച് പകർത്തിയ ദൃശ്യങ്ങളുടെ പകർപ്പ് നൽകണമെന്ന്​ ആവശ്യപ്പെട്ട് ദിലീപ് ഹൈകോടതിയിലേക്ക്. ദിലീപി​​െൻറ ആവശ്യം തള്ളിയ അങ്കമാലി മജിസ്ട്രേറ്റ് കോടതിയുടെ ഉത്തരവിനെതിരെ ഹൈകോടതിയിൽ അടുത്ത ദിവസം ഹരജി നൽകും. ദൃശ്യങ്ങളിലെ സ്ത്രീ ശബ്ദം സംശയാസ്പദമാണെന്നാണ് ദിലീപി​​െൻറ വാദം.

നേരത്തെ നടിയെ ആക്രമിച്ച ദൃശ്യങ്ങൾ ആവശ്യപ്പെട്ട്​ ദിലീപ്​ അങ്കമാലി മജിസ്​ട്രേറ്റ്​ കോടതിയിൽ അപേക്ഷ നൽകിയിരുന്നു. എന്നാൽ, ഇൗ അപേക്ഷയെ പ്രോസിക്യൂക്ഷൻ ശക്​തമായി എതിർത്തു. നടിയുടെ ദൃശ്യങ്ങൾ ദിലീപ്​ ​ കൈമാറരുതെന്നായിരുന്നു പ്രോസിക്യൂഷൻ നിലപാട്​. ഇത്​ അംഗീകരിച്ചാണ്​ ദൃശ്യങ്ങൾ ​ദിലീപിന്​ നൽകരുതെന്ന്​ കോടതി ഉത്തരവിട്ടത്​.