‘പത്മാവത്​’ 25ന്​ തിയറ്ററിലെത്തും; രാജസ്​ഥാനിൽ വിലക്ക്​

മുംബൈ: വിവാദങ്ങൾക്കൊടുവിൽ പേരുൾപ്പെ​െട മാറ്റങ്ങളുമായി ഹിന്ദിചിത്രം ‘പത്മാവത്​’ ജനുവരി 25ന്​ തിയറ്ററുകളിലെത്തും. നേരത്തേ ഡിസംബർ ഒന്നിന്​ പുറത്തിറക്കാൻ തീരുമാനിച്ച ചിത്രത്തിനെതിരെ രജപുത്ര സമുദായം പ്രതിഷേധവുമായി തെരുവിലിറങ്ങിയതോടെ ദേശീയ​ശ്ര​ദ്ധ നേടിയിരുന്നു. അതേസമയം, 25ന്​ റിലീസ്​ ചെയ്​താലും രാജസ്​ഥാനിൽ പ്രദർശനം അനുവദിക്കി​ല്ലെന്ന്​ മുഖ്യമന്ത്രി വസുന്ധര രാജെ പ്രസ്​താവിച്ചു. ജനവികാരം കണക്കിലെടുത്താണ്​ നടപടിയെന്ന്​ അവർ പറഞ്ഞു. 

‘പത്മാവതി’ എന്ന സിനിമയു​െട പേര്​ ‘പത്മാവത്’​ എന്നാക്കിയാണ്​ റിലീസ്​ ചെയ്യുന്നത്​. ദീപികയുടെ കഥാപാത്രമായ രജപുത്ര റാണിയുടെ നൃത്തം ഉൾപ്പെടെ രംഗങ്ങളെയാണ്​ രജ്​പുത്​ കർണി സേനയും മറ്റും ശക്​തമായി എതിർത്തത്​. ഇത്​ പിന്നീട്​ രാഷ്​ട്രീയ വിവാദമായി. പ്രദർശനത്തിന്​ ഒരുങ്ങിയ തിയറ്ററുകൾക്കും അണിയറ പ്രവർത്തകർക്കുമെതിരെ ഭീഷണിയുമുയർന്നു. ചരിത്രം വളച്ചൊടിച്ചെന്ന ആരോപണത്തി​​െൻറ പശ്ചാത്തലത്തിൽ സെൻസർ ബോർഡിന്​ കീഴിൽ ചരിത്രകാരന്മാരടങ്ങുന്ന സംഘം പരിശോധിച്ചശേഷമാണ്​ അനുമതി നൽകിയത്​.